Պատմություններ. կարդացեք ավելին Կայուն զարգացման նպատակներին ուղղված մեր ծրագրերի մասին

Երևան, 25 հունիսի 2026 թ. - ՄԱԿ-ի հայաստանյան գրասենյակի թիմը ՄԱԿ-ի հայաստանյան գրասենյակում կազմակերպել է խորհրդակցություն հաշմանդամություն ունեցող անձանց կազմակերպությունների և հաշմանդամություն ունեցող երեխաներին ներկայացնող հասարակական կազմակերպությունների հետ։ Խորհրդակցությունը հանդիսանում էր հաշմանդամություն ունեցող անձանց կազմակերպությունների հետ ՄԱԿ-ի շարունակական երկխոսության մի մաս՝ ուղղված մասնակցության ամրապնդմանը, ՄԱԿ-ի ծրագրերում և շահերի պաշտպանության աշխատանքներում ներառականության առաջնահերթության ապահովմանը, ինչպես նաև հաշմանդամություն ունեցող անձանց կազմակերպությունների և ՄԱԿ-ի գործակալությունների միջև անմիջական փոխանակման հարթակի ստեղծմանը։Քննարկումները կենտրոնացած էին երկու հիմնական թեմաների վրա՝ հաշմանդամություն ունեցող անձանց ներառումը աշխատաշուկայում, ինչպես նաև ներառականության, կենսաբազմազանության և բնապահպանական գործողությունների միջև կապը՝ ներառյալ COP17-ի շրջանակում առկա հնարավորությունները։ Մասնակիցները կարևորեցին բովանդակային և շարունակական խորհրդակցությունների իրականացումը, հաշմանդամություն ունեցող անձանց իրավունքների վերաբերյալ պարտավորությունների առավել արդյունավետ կիրարկումը, հասանելիության և ողջամիտ հարմարեցումների բարելավումը, ինչպես նաև որոշումների կայացման գործընթացներում նրանց լիարժեք և արդյունավետ մասնակցությունը։Խորհրդակցությունը վերահաստատեց ՄԱԿ-ի հայաստանյան գրասենյակի թիմի հանձնառությունը՝ համագործակցելու հաշմանդամություն ունեցող անձանց կազմակերպությունների հետ՝ Հայաստանում ներառականությունը խթանելու ուղղությամբ։ Այն նաև շեշտադրեց, որ ՄԱԿ-ի հայաստանյան գրասենյակի հետ համագործակցությունը հիմնված է  հաշմանդամություն ունեցող անձանց կենսափորձի, փորձագիտական գիտելիքների և առաջնահերթությունների վրա։