Պատմություններ. կարդացեք ավելին Կայուն զարգացման նպատակներին ուղղված մեր ծրագրերի մասին

ՀՀ-ՄԱԿ համատեղ ղեկավար կոմիտեի նիստն անցկացվեց Կառավարությունում ՀՀ փոխվարչապետ Մհեր Գրիգորյանի և ՄԱԿ-ի մշտական համակարգող Ֆրանսուազ Ժակոբի համանախագահությամբ։ Դրանով մեկնարկ տրվեց Հայաստան-ՄԱԿ կայուն զարգացման համագործակցության 2026-2030 շրջանակի իրականացմանը։ Հանդիպումը խորհրդանշեց հստակ անցում՝ նախագծերից դեպի համակարգեր, համակարգումից դեպի համատեղ իրականացում, պարտավորություններից դեպի չափելի արդյունքներ։ Նիստին ներկա էին ՀՀ պետական գերատեսչությունների ներկայացուցիչները և ՄԱԿ-ի գործակալությունների հայաստանյան ներկայացուցչությունների ղեկավարները: Հանդիպման սկզբում փոխվարչապետը հանդես եկավ ողջույնի խոսքով՝ կարևորելով շրջանակային փաստաթղթի ներքո Կառավարության ու ՄԱԿ գրասենյակի ջանքերի համադրումը և համակարգված փոխգործակցությունը բոլոր մակարդակներում՝ միտված ռազմավարական բարեփոխումների իրականացմանը:Ֆրանսուազ Ժակոբը ներկայացրեց 2025 թվականին ՄԱԿ-ի կողմից Հայաստանում իրականացված աշխատանքների արդյունքները:Նիստի արդյունքում հաստատվեցին չորս արդյունքային խմբերի կազմերը, որոնք կշարունակեն աշխատանքները համապատասխան գերակայությունների ներքո՝ միտված ՀՀ-ՄԱԿ համագործակցության շրջանակներում թիրախային ծրագրերի իրականացմանը: Կոմիտեն հավանություն տվեց կառավարման նոր համակարգին և սահմանեց 2026-2027 թվականների առաջնահերթությունները՝ դիրքավորելով ՀՀ-ՄԱԿ համատեղ ղեկավար կոմիտեն որպես կառավարության և ՄԱԿ-ի միջև համաձայնեցման շարժիչ ուժ։Բարեփոխումների հավակնոտ օրակարգով այժմ ուշադրության կենտրոնում է ազդեցության ընդլայնումը, ազգային համակարգերի ամրապնդումը և գործընկերությունների մոբիլիզացումը՝ ապահովելով, որ բարեփոխումները վերածվեն մարդկանց կյանքի շոշափելի բարելավումների, հատկապես ամենախոցելի խմբերի համար։