Պատմություններ. կարդացեք ավելին Կայուն զարգացման նպատակներին ուղղված մեր ծրագրերի մասին

Հունիսի 18-ին ՄԱԿ-ի հայաստանյան գրասենյակը և ՀՀ Ներքին գործերի նախարարությունը համախմբել էին պետական կառույցների, ՄԱԿ-ի գործակալությունների և զարգացման գործընկերների ներկայացուցիչներին՝ քննարկելու Միգրացիայի միջազգային դիտարկման երկրորդ ֆորումի (IMRF) արդյունքները և դրանց նշանակությունը Հայաստանի համար։ ՀՀ ներքին գործերի նախարարի տեղակալ Արմեն Ղազարյանը ներկայացրեց համաժողովի հիմնական արդյունքները և ՀՀ առաջնահերթություններն առաջիկա տարիների համար՝ շեշտադրելով գործնական իրականացումը, միգրացիոն տվյալների համակարգերի ամրապնդումը և միգրացիայի կառավարման բարելավումը՝ Միգրացիայի գլոբալ հռչակագրի (GCM) շրջանակում։ 2026 թվականի մայիսի 5-8-ը Նյու Յորքում՝ ՄԱԿ-ի կենտրոնակայանում անցկացված Ֆորումը եզրափակվեց 2026 թ․ Առաջընթացի հռչակագրի ընդունմամբ, որը հաջորդ չորս տարիների ընթացքում Միգրացիայի գլոբալ հռչակագրի իրականացման արագացման ճանապարհային քարտեզն է՝ հիմնված բարելավված տվյալների, համակարգված արձագանքների և ներառական կառավարման վրա։ ՄԱԿ-ի մշտական համակարգող Ֆրանսուազ Ժակոբը վերահաստատեց Միավորված ազգերի կազմակերպության հանձնառությունը՝ աջակցելու Հայաստանին միգրացիայի ոլորտում արդյունավետ և համակարգված լուծումների առաջմղման գործում։