Հայաստանի սոցիալական պաշտպանության բարեփոխումների համակարգման հանդիպում

Հանդիպումը կրում էր «ՀՀ աշխատանքի և սոցիալական հարցերի նախարարության հետ համագործակցության ներկա զարգացումների և հեռանկարների վերաբերյալ» խորագիրը և համախմբել էր միջազգային գործընկերներին։

Քննարկումը վարում էր Հայաստանում ՄԱԿ-ի մշտական համակարգող Ֆրանսուազ Ժակոբը: Բացման խոսքով հանդես եկան ՀՀ Աշխատանքի  և սոցիալական հարցերի նախարար Արսեն Թորոսյանը, Արտաքին գործերի նախարարի տեղակալ Ռոբերտ Աբիսողոմոնյանը և Հայաստանում ԵՄ պատվիրակության ղեկավար, դեսպան Վասիլիս Մարագոսը։ Հանդիպմանը ներկա էին դեսպաններ, ՄԱԿ-ի գործակալությունների և գործընկեր կազմակերպությունների ներկայացուցիչներ։

Հանդիպման նպատակն էր միջազգային գործընկերներին ներկայացնել աշխատանքի և սոցիալական ապահովության ոլորտում բարեփոխումների ներկա փուլը, ինչպես նաև քննարկել ընդհանուր գործունեության կարիքներն ու հետագա զարգացման հեռանկարները։