ՄԱԿ-ի մշտական համակարգողի գրասենյակ

ՄԱԿ-ի մշտական համակարգողի ղեկավարությամբ, ով գլխավորում է Հայաստանում ՄԱԿ-ի գրասենյակը և երկրի մակարդակով համակարգում է ՄԱԿ-ի բոլոր գործողությունները, ՄԱԿ-ի մշտական համակարգողի գրասենյակը Հայաստանում ՄԱԿ-ի թիմին տրամադրում է ռազմավարական աջակցություն:

Գրասենյակի նպատակն է առավելագույնս ակտիվացնել ՄԱԿ-ի աշխատանքը, որպեսզի համակարգը, Կայուն զարգացման նպատակների շրջանակում, կարողանա ապահովել հավաքական, համաձայնեցված և համալիր արձագանք ազգային առաջնահերթություններին և պահանջմունքներին:

Երկրի մակարդակով ՄԱԿ-ի գործառնական գործունեության համակարգման ընդհանուր շրջանակը Երկրի ընդհանուր վերլուծությունն է և ՄԱԿ-ի Կայուն զարգացման գործընկերության շրջանակը, որն իրենից ներկայացնում է երկրում գործող ՄԱԿ-ի բոլոր գործակալությունների համապարփակ ռազմավարական շրջանակ և ձևակերպված է Կայուն զարգացման նպատակներին հասնելու շուրջ՝ ազգային առաջնահերթություններին համահունչ:

ՄԱԿ-ի մշտական համակարգողին և Հայաստանում ՄԱԿ-ի թիմին աջակցելու նպատակով՝ մշտական համակարգողի գրասենյակն իրականացնում է 5 հիմնական գործառույթ՝  

1. Ռազմավարական պլանավորում, 
2. Զարգացման տնտեսություն,
3. Գործընկերություն և զարգացման ֆինանսավորում,
4. Տվյալների և արդյունքների կառավարում ու զեկուցում,
5. Հաղորդակցություն և քարոզչություն:

Հայաստանում ՄԱԿ-ի մշտական համակարգողի պաշտոնակատարը

Տկն․ Ֆղանսուազ Ժակոբը (ազգ․՝ Ֆրանսիա) Հայաստանում ՄԱԿ-ի մշտական համակարգող է նշանակվել 2024 թվականի ապրիլից ՄԱԿ-ի գլխավոր քարտուղարի կողմից։

Տկն. Ժակոբը ունի մարդասիրական և զարգացման 30 տարվա փորձ: 2019-2024 թթ․ աշխատել է որպես ՄԱԿ-ի մշտական համակարգող Սերբիայում։ 2017 - 2019 թթ․ աշխատել է որպես ԵՄ կառույցների ՄԱԿ-ի ծրագրային ծառայությունների գրասենյակի (ՄԱԿ ԾԾԳ) ներկայացուցիչ Բրյուսելում: 2011 – 2017 թթ․ եղել է ՄԱԿ ԾԾԳ-ի Հարավային Ասիայի տնօրեն։ Նա ղեկավար պաշտոններ է զբաղեցրել ՄԱԿ ԾԾԳ-ում, ՄԱԿ-ի օգնության և աշխատանքների գործակալությունում, Եվրահանձնաժողովի Եվրոպական քաղաքացիական պաշտպանության և հումանիտար օգնության վարչությունում, հասարակական կազմակերպություններում և մասնավոր հատվածում Աֆղանստանում, Հնդկաստանում, Մերձավոր Արևելքում, Արևելյան Թիմորում, Սուդանում, Չեռնոգորիայում, Ուգանդայում, Ռուանդայում և Կոնգոյի Դեմոկրատական Հանրապետությունում: 

Որպես մշտական համակարգող՝ Ֆղանսուազը եղել է կլիմայի փոփոխության, աղտոտվածության և կենսաբազմազանության կորստի դեմ արագացված գործողությունների ջատագով՝ խթանելով արդար անցման հայեցակարգը՝ միտված նվազեցնելու անհավասարությունը սոցիալական և տնտեսական համակարգերում անհրաժեշտ հիմնարար վերափոխումների դեպքում: Նա նաև ղեկավարել է մարդու իրավունքների, խաղաղարարության և կառավարման ոլորտում լայնածավալ աշխատանքներ: Նա ստացել է Փարիզի ESSEC բիզնես դպրոցի բիզնեսի կառավարման մագիստրոսի կոչում: Նա յոգայի ուսուցիչ է և սիրում է լեռնագնացություն։