Մեր թիմը Հայաստանում

Տկն․ Ֆրանսուազ Ժակոբը (ազգ․՝ Ֆրանսիա) Հայաստանում ՄԱԿ-ի մշտական համակարգող է նշանակվել 2024 թվականի ապրիլից ՄԱԿ-ի գլխավոր քարտուղարի կողմից։
Տկն. Ժակոբը ունի մարդասիրական և զարգացման 30 տարվա փորձ: 2019-2024 թթ․ աշխատել է որպես ՄԱԿ-ի մշտական համակարգող Սերբիայում։ 2017 - 2019 թթ․ աշխատել է որպես ԵՄ կառույցների ՄԱԿ-ի ծրագրային ծառայությունների գրասենյակի (ՄԱԿ ԾԾԳ) ներկայացուցիչ Բրյուսելում: 2011 – 2017 թթ․ եղել է ՄԱԿ ԾԾԳ-ի Հարավային Ասիայի տնօրեն։ Նա ղեկավար պաշտոններ է զբաղեցրել ՄԱԿ ԾԾԳ-ում, ՄԱԿ-ի օգնության և աշխատանքների գործակալությունում, Եվրահանձնաժողովի Եվրոպական քաղաքացիական պաշտպանության և հումանիտար օգնության վարչությունում, հասարակական կազմակերպություններում և մասնավոր հատվածում Աֆղանստանում, Հնդկաստանում, Մերձավոր Արևելքում, Արևելյան Թիմորում, Սուդանում, Չեռնոգորիայում, Ուգանդայում, Ռուանդայում և Կոնգոյի Դեմոկրատական Հանրապետությունում:
Որպես մշտական համակարգող՝ Ֆրանսուազը եղել է կլիմայի փոփոխության, աղտոտվածության և կենսաբազմազանության կորստի դեմ արագացված գործողությունների ջատագով՝ խթանելով արդար անցման հայեցակարգը՝ միտված նվազեցնելու անհավասարությունը սոցիալական և տնտեսական համակարգերում անհրաժեշտ հիմնարար վերափոխումների դեպքում: Նա նաև ղեկավարել է մարդու իրավունքների, խաղաղարարության և կառավարման ոլորտում լայնածավալ աշխատանքներ:
Նա ստացել է Փարիզի ESSEC բիզնես դպրոցի բիզնեսի կառավարման մագիստրոսի կոչում: Նա յոգայի ուսուցիչ է և սիրում է լեռնագնացություն։

Տկն. Պետրոսյանը ՄԱԿ-ի Հանրային տեղեկատվության վարչության երևանյան գրասենյակի ղեկավարն է 2020թ. հունիսից։ ՄԱԿ-ում իր գործունեության ընթացքում նա ղեկավարում է հանրային կապերի և տեղեկատվության համար պատասխանատու գրասենյակը, ինչպես նաև ղեկավարում է ՄԱԿ-ի հաղորդակցության խումբը: Տկն. Պետրոսյանը ներգրավված է նաև ՄՀԳ-ի աշխատանքներում։
Տկն. Պետրոսյանը հաղորդակցությունների ռազմավարության մրցանակակիր է, ով ունի նորարարական էկոհամակարգի գիտելիքներ և իրականացնում է ինտեգրված շուկայավարման հաղորդակցությունների մշակում բոլոր մակարդակներում: Տկն. Պետրոսյանը նեյրոմարքեթինգի ոլորտում բանախոս է և հետազոտող, ով տպագրվել է տարբեր միջազգային ակադեմիական ամսագրերում և գրքերում: Մինչ ներկայիս պաշտոնը ստանձնելը, զբաղեցրել է տարատեսակ պաշտոններ տեղական և միջազգային հիմնադրամներում, հաղորդակցական կազմակերպություններում։ Տկն. Պետրոսյանը ստացել է մագիստրոսի կոչում Շեֆիլդի համալսարանի Բիզնեսի կառավարում և տնտեսագիտություն, մարքեթինգ, հասարակայնության հետ կապերի և գովազդ բնագավառներում, նաև Լեզվաբանության և միջմշակութային հաղորդակցության, տեղեկատվական և հանրային հաղորդակցության տեխնոլոգիաների մագիստրոսի կոչում և Օտար լեզվի և գրականության, մանկավարժության բակալավրի աստիճան Բրյուսովի անվան պետական համալսարանից։

Ժիրայր Էդիլյանը ստանձնել է ՄԱԿ–ի Արդյունաբերական զարգացման կազմակերպության (ՄԱԱԶԿ) Հայաստանում ներկայացուցչի պաշտոնը 2024 թվականի սեպտեմբերից։
2021-2024 թվականներին նա ղեկավարել է Հայաստանում ՄԱԿ-ի Զարգացման ծրագրի «Համայնքի ղեկավարներ հանուն տնտեսական զարգացման» նախաձեռնությունը, որի շրջանակներում մշակվել և ներդրվել է համակարգային մտածողության և մարդակենտրոն դիզայնի վրա հիմնված նորարարական մեթոդաբանություն ու գործիքակազմ։
2013-2021 թվականներին եղել է Վորլդ Վիժն Հայաստանի գրասենյակի տնօրեն։
2010 թվականին նա արժանացել է Ատլաս Քորփս (Վաշինգտոն, ԱՄՆ) բազմամշակութային և դինամիկ ոչ–առևտրային ոլորտի առաջնորդների ցանցի անդամակցությանը։
2006-20010 թվականներին եղել է Քաղաքացիական զարգացման և համագործակցության հիմնադրամի գործադիր տնօրենը:
Միջազգային զարգացման ոլորտում Ժիրայր Էդիլյանը ջատագովում և խթանում է համակարգային վերափոխումների, կայուն փոփոխությունների և միջոլորտային գործընկերությունների հարցերին: Պարոն Էդիլյանը տնտեսագիտության և կառավարման ոլորտում կրթություն է ստացել Երևանի պետական համալսարանում, Ինդիանայի համալսարանում և Հարվարդի Քենեդու անվան կառավարման դպրոցում:

Տկն. Տեր-Մինասյանն պաշտոնը ստանձնել է 2007 թ-ից։ Նախքան դա՝ տկն. Տեր-Մինասյանն աշխատել է ՄԱԿ-ի հայաստանյան գրասենյակում որպես Գենդերային հարցերով խորհրդատու և ղեկավարել է Հայաստանի աղքատության հաղթահարման ռազմավարության մշակման գործընթացը՝ խթանելով գենդերային հավասարության և կանանց իրավունքների վերաբերյալ կառավարության պարտավորությունների կատարումը ծրագրելու և վերահսկելու ազգային շահագրգիռ կողմերի կարողությունների զարգացումը։ Մինչ այդ (2001-2006 թթ.) նա նաև աշխատել է ՅՈՒՆԻՖԵՄ-ում որպես տարածաշրջանային (Հարավային Կովկասի) խաղաղության և անվտանգության ծրագրի համակարգող: 1999-2000 թթ. տկն. Տեր-Մինասյանն աշխատել է ՄԱԶԾ-ում՝ հեղինակելով զարգացման համագործակցության զեկույցներ Հայաստանի համար։

Տիկին Մելիուհն հումանիտար ոլորտի փորձառու առաջնորդ է՝ արտակարգ իրավիճակների արձագանքման, ծրագրերի կառավարման և բարդ ճգնաժամային պայմաններում ռազմավարական ղեկավարման շուրջ երկու տասնամյակի փորձով:
Մինչև իր ներկայիս նշանակումը, Տիկին Մելիուհն եղել է Սիրիայում ՊՀԾ-ի ծրագրերի և գործառնական ղեկավարը, որտեղ նա վերահսկել է լայնածավալ մարդասիրական օգնությունը՝ տարեկան աջակցելով ավելի քան 6.5 միլիոն մարդու։
Նա նաև զբաղեցրել է ղեկավար բարձր պաշտոններ ՊՀԾ-ի Մերձավոր Արևելքի և Աֆրիկայի գրասենյակներում:
Տիկին Մելիուհն ունի գործարար կառավարման մագիստրոսի աստիճան Մանչեստրի Սոլֆորդի համալսարանից և բանկային գործի բակալավրի աստիճան Ալժիրի Բանկային գործի բարձրագույն դպրոցից:

Լուսինե Սարգսյանը մարդու իրավունքների ոլորտում մասնագիտացած իրավաբան է՝ գենդերային հիմքով բռնության կանխարգելման և արձագանքման ու մարդու իրավունքների պաշտպանության ավելի քան մեկ տասնյակ տարվա փորձով: Նա միջազգային իրավունքի մագիստրոսի աստիճան է ստացել Գլազգոյի համալսարանից և իրավագիտության բակալավրի աստիճան՝ Երևանի պետական համալսարանից:
Տիկին Սարգսյանը ՄԱԲՀ հայաստանյան գրասենյակում գենդերային բռնության դեմ պայքարի ազգային և ենթազգային ծրագրեր ղեկավարելու և Մարդու իրավունքների պաշտպանի գրասենյակում Հայաստանում օրենսդրական բարեփոխումներին նպաստելու մեծ փորձ ունի: Նա հմուտ է քաղաքականությունների մշակման, միջազգային հարաբերությունների և կարողությունների զարգացման գործում, ինչպես նաև ՄԱԶԾ-ի, Եվրոպայի խորհրդի և «Սեյվ դը չիլդրեն»-ի համար խորհրդատվական աշխատանքի փորձ ունի:
Տկն. Սարգսյանը պարգևատրվել է Հայաստանի Մարդու իրավունքների պաշտպանի կողմից՝ գերազանց աշխատանքի համար, նաև եղել է TED խոսնակ՝ ելույթ ունենալով գենդերային բռնության և մարդու իրավունքների պաշտպանության վերաբերյալ:

Տ-ն Մոնիկա Սանդրին հանդիսանում է Հայաստանում ՄԱԿ-ի Փախստականների հարցերով գերագույն հանձնակատարի (ՄԱԿ ՓԳՀ) ներկայացուցիչը։ Սկզբում՝ առաքելության կարգավիճակով, նա միացել է 2024 թ․-ի սեպտեմբերին։
Մինչ այդ նա ՄԱԿ ՓԳՀ ներկայացուցիչն էր Հյուսիսային Մակեդոնիայում:
ՄԱԿ ՓԳՀ-ում իր 26-ամյա գործունեության ընթացքում նա աշխատել է Եվրոպայի, Ասիայի, Աֆրիկայի և Լատինական Ամերիկայի բազմաթիվ գրասենյակներում։ Հիշատակման արժանի է այն, որ տ-ն Սանդրին ՄԱԿ ՓԳՀ ներկայացուցչի պաշտոնն է ստանձնել Հյուսիսային Մակեդոնիայում, Վենեսուելայում և Էրիթրեայում, իսկ Չադում՝ ենթագրասենյակի ղեկավարն է եղել։ Նախկինում տ-ն Սանդրին աշխատել է նաև ՄԱԿ ՓԳՀ Ժնևում տեղակայված գլխամասային գրասենյակում, Աֆղանստանում, Բոսնիայում և Հերցեգովինայում, և Խորվաթիայում։
Նախքան 1999 թ․-ին ՄԱԿ ՓԳՀ-ին միանալը՝ Մոնիկա Սանդրին աշխատել է Հարավային Կովկասում գործող «Nuova Frontiera» ՀԿ-ում որպես առաքելության ղեկավար և տարածաշրջանային համակարգող։ Ավելի ուշ նա երկու տարի աշխատել է ԵԱՀԿ-ում՝ Բոսնիայում և Հերցեգովինայում։
Տ-ին Սանդրիին՝ Ֆլորենցիայի համալսարանի կողմից Փիլիսոփայության մագիստրոսի աստիճան է շնորհվել: Նա նաև մարդու իրավունքների և եվրոպական իրավունքի ուսումնասիրություններ է իրականացրել Լոնդոնի տնտեսագիտության և քաղաքագիտության դպրոցում:
Տ-ն Սանդրին տիրապետում է իտալերեն, անգլերեն, ֆրանսերեն և իսպաներեն լեզուներին։
Տ-ին Սանդրիին՝ Ֆլորենցիայի համալսարանի կողմից Փիլիսոփայության մագիստրոսի աստիճան է շնորհվել: Նա նաև մարդու իրավունքների և եվրոպական իրավունքի ուսումնասիրություններ է իրականացրել Լոնդոնի տնտեսագիտության և քաղաքագիտության դպրոցում։

Նաթիա Նացվլիշվիլին ավելի քան 20 տարվա փորձ ունի զարգացման ոլորտում:
Նաթիա Նացվլիշվիլին Հայաստանում ՄԱԶԾ մշտական ներկայացուցչի պարտականությունները ստանձնել է 2021թ. սեպտեմբերին։ 2018թ. դեկտեմբերից մինչև 2021թ. օգոստոս նա ՄԱԶԾ Թուրքմենստանի գրասենյակում եղել է մշտական ներկայացուցչի պաշտոնակատար:
Նա ղեկավարել է ազգային և միջազգային աշխատակիցների և փորձագետների թիմ՝ միտված ՄԱԶԾ-ի և Թուրքմենստանի միջև համագործակցության առաջնահերթությունների իրականացմանը՝ ի աջակցություն երկրի կայուն զարգացման ձգտումների: Տկն. Նացվլիշվիլին նպաստել է ՄԱԶԾ-ի դիրքավորմանը որպես կառավարության և զարգացման այլ շահագրգիռ կողմերի համար նախընտրելի գործընկեր։ Նա համակարգել է նաև երկրում գործող գրասենյակի աշխատանքների ընդլայնումը՝ իրականացվող ծրագրերի ծավալների և բազմազանության առումով:
Նախքան Թուրքմենստանում իր պարտականությունները ստանձնելը, տկն. Նացվլիշվիլին աշխատել է որպես մշտական ներկայացուցչի օգնական (ծրագրերի պատասխանատու), ՄԱԶԾ-ի Վրաստանի գրասենյակի ծրագրի ղեկավար (2014-2018թթ.): Նա ղեկավարել է ծրագրային թիմ, որն ընդգրկել է չորս գործունեության ուղղություն՝ ժողովրդավարական կառավարում, տնտեսական զարգացում, էներգետիկա և շրջակա միջավայր և ճգնաժամերի կանխարգելում ու վերականգնում:
2007-2013թթ. տկն. Նացվլիշվիլին ՄԱԶԾ Վրաստանի գրասենյակում գլխավորել է Ժողովրդավարական պորտֆելը՝ վերահսկելով զարգացման լայնամասշտաբ ծրագրերը: Մինչ ՄԱԶԾ-ին միանալը, տկն. Նացվլիշվիլին աշխատել է որպես տնտեսագետ Արժույթի միջազգային հիմնադրամի Թբիլիսիի գրասենյակում, Վրաստանում ԵԱՀԿ առաքելությունում և Վրաստանի Ազգային բանկում: Տկն. Նացվլիշվիլին ունի մեծ ակադեմիական փորձ և 2002-2010թթ. տարբեր դասընթացներ է վարել Վրաստանի առաջատար բուհերում:
Նաթիա Նացվլիշվիլին ավարտել է Հարվարդի համալսարանի Քենեդու անվան կառավարման դպրոցը` հանրային քաղաքականության մագիստրոսի կոչմամբ (2002թ.), ինչպես նաև Թբիլիսիի պետական համալսարանի ֆիզիկայի և մաթեմատիկայի ֆակուլտետը՝ մագիստրոսի կոչմամբ (2000թ.)։

Տկն Հովհաննիսյանն ունի մագիստրոսի կոչում կենսաքիմիայի ոլորտում: Ունի 11 տարվա աշխատանքային փորձ զբաղվածության և սոցիալական պաշտպանության, հմտությունների զարգացման և աշխատանքային իրավունքների ոլորտներում: Տկն Հովհաննիսյանի փորձաքննության հիմնական ուղղությունները ներառում են զբաղվածության քաղաքականության և աշխատանքային իրավունքների մշակում և իրականացում: Նա նպաստել է քաղաքական փաստաթղթերի, աշխատանքի և զբաղվածության վերաբերյալ իրավական կարգավորումների մշակմանը: Մինչ ԱՄԿ-ին անդամակցելը, զբաղեցրել է Զբաղվածության ազգային ծառայության պետի տեղակալի պաշտոնը: 2005 թվականից սկսել է իր աշխատանքը որպես ԱՄԿ Ազգային համակարգող:

Գերմանիայի քաղաքացի` Ռայմունդ Յելեն գյուղատնտեսության տնտեսագիտության թեկնածու է: Մինչև ՊԳԿ-ին միանալը, պարոն Յելեն եղել է ֆերմեր, զբաղեցրել է մի քանի պաշտոն ակադեմիական ոլորտում և աշխատել է որպես տնտեսական և ֆինանսական հարցերով խորհրդատու Բրյուսելում գտնվող Եվրոպական հանձնաժողովի գլխավոր տնօրինության համար: 1999 թվականին ՊԳԿ-ին միանալուց ի վեր նա զբաղեցրել է տարբեր պաշտոններ ՊԳԿ կենտրոնակայանում՝ Հռոմում, իսկ 2007 թվականից աշխատել է Հունգարիայում` Եվրոպայի և Կենտրոնական Ասիայի տարածաշրջանային գրասենյակում: Հայաստանում ՊԳԿ-ի ներկայացուցչի ներկայիս պաշտոնին զուգահեռ պարոն Յելեն նշանակվել է նաև որպես Եվրոպայի և Կենտրոնական Ասիայի տարածաշրջանային ծրագրի ղեկավար։

Տկն Բաբայանն ունի մագիստրոսի կոչումներ Հայաստանի գյուղատնտեսության ակադեմիայի Սանիտարական փորձաքննության և անասնաբուժական ֆակուլտետից և Մոսկվայի իրավաբանական ինստիտուտից։ Ունի 17 տարվա աշխատանքային փորձ հանրային առողջապահության ոլորտում՝ նպաստելով առողջապահական քաղաքականության մշակմանը հետևյալ ոլորտներում՝ առողջապահություն և մարդու իրավունքների պաշտպանություն բանտերում, սեռական և վերարտադրողական առողջության իրավունքներ, ՄԻԱՎ/ՁԻԱՀ-ի քաղաքականությանն առնչվող խնդիրներ և այլն։ Մինչ ներկայիս պաշտոնը ստանձնելը, տկն Բաբայանն աշխատել է տարբեր միջազգային կազմակերպություններում, այդ թվում՝ ԱՀԿ-ում, ՅՈՒՆԻՍԵՖ-ում, ՄԱԲՀ-ում, ԵԽ-ում, ԱԶԲ-ում:

Սերգեյ Շիպիլովը պաշտոնը ստանձնել է 2023թ. սեպտեմբերից։ Պրն. Շիպիլովն իր կարիերան ՄԱԿ-ում սկսել է 1992թ. և աշխատել է որպես Խաղաղությանն ուղղված գործողությունների գծով ՄԱԿ-ի ոստիկանության աշխատակից Բոսնիայում, Խորվաթիայում և Կոսովոյում: 2001թ. նշանակվել է Խաղաղությանն ուղղված գործողությունների գծով վարչության ՄԱԿ-ի ոստիկանության վերապատրաստման բաժնի ղեկավարի տեղակալ Նյու Յորքում՝ ՄԱԿ կենտրոնակայանում: Նա միացել է ԱԱՎ-ին 2005թ.՝ աշխատելով Շրի Լանկայում, Իրանում, Գազայում, Հայաստանում և Իրաքում: Պրն. Շիպիլովն ունի երկու մագիստրոսի կոչում՝ դասավանդման և իրավունքի բնագավառներում:

Դոկտոր Սիդարթա Դատտան Հնդկաստանի քաղաքացի է, ավարտել է Մանչեսթերի Մետրոպոլիտեն Համալսարանը (Միացյալ Թագավորություն)՝ Հանրային առողջապահության մագիստրոսի աստիճանով Համայնքային բժշկության մասնագիտացմամբ: Վերջին 20 տարվա ընթացքում աշխատել է ԱՀԿ երեք տարածաշրջաններում՝ ենթազգային, ազգային և տարածաշրջանային մակարդակներում՝ ներդնելով տարբեր երկրներում առողջապահական համակարգերի բազմազան կարիքները հասկանալու իր փորձը: Ղեկավարել է վարակիչ հիվանդությունների բռնկումների կառավարումը, ինչպես նաև ԱՀԿ եվրոպական տարածաշրջանում COVID-19-ի և Կապիկի ծաղիկի պատվաստումների ներդրումը: Սերտորեն աշխատել է կառավարությունների, տեղական և միջազգային ՀԿ-ների, ՄԱԿ-ի գործընկերների, ինչպես նաև ազգային և միջազգային շահագրգիռ կողմերի հետ՝ բարդ իրավիճակներում և միջավայրերում:

Դոկտոր Դատտան աշխատել է ԱՀԿ Հնդկաստանի Պոլիոմիելիտի հսկողության ազգային ծրագրում մինչև 2009 թվականը: 2010-ից մինչև 2016-ն աշխատել է ԱՀԿ Պապուա Նոր Գվինեայի, այնուհետև ԱՀԿ Լաոսի ԺԴՀ գրասենյակներում՝ որպես իմունականխարգելման թիմի ղեկավար: 2016-ից աշխատել է ԱՀԿ Եվրոպական տարածաշրջանային գրասենյակի հիվանդությունների ուժեղացված հսկողության թիմում որպես մասնագիտական պատասխանատու, ինչպես նաև Կառավարելի վարակիչ հիվանդությունների և իմունականխարգելման ծրագրում՝ Իմունականխարգելման և հսկողության տվյալների խմբի ղեկավարի պաշտոնակատար: 2019 հունվարից մինչև 2024 հունիսը ղեկավարել է ԱՀԿ եվրոպական տարածաշրջանային գրասենյակի Կառավարելի վարակիչ հիվանդությունների և իմունականխարգելման ծրագիրը՝ զբաղեցնելով Տարածաշրջանային Խորհրդատուի պաշտոնը: Ի լրումն այդ պաշտոնի, 2021 և 2022 թվականներին դոկտոր Դատտան աշխատել է որպես ԱՀԿ եվրոպական տարածաշրջանային գրասենյակի Երկրների առողջապահական ծրագրերի բաժնի տնօրենի պաշտոնակատար՝ ուղղորդելով վարակիչ հիվանդությունների, հակամանրէային դեղերի նկատմամբ կայունության վերահսկողության և վարքաբանական ու մշակութային ուսումնասիրությունների ոլորտները:

Պրն. Շկոլնիկովը պաշտոնը ստանձնել է 2011թ. հուլիսից: Մինչ այս նշանակումը նա մի շարք պաշտոններ է զբաղեցրել Արևելյան Եվրոպայում և Կենտրոնական Ասիայում մարդու իրավունքների և արդյունավետ կառավարման ոլորտում գործող միջկառավարական և հասարակական կազմակերպություններում։
2009-2011թթ. եղել է Ջեֆերսոնի ինստիտուտի ավագ գիտաշխատող՝ աշխատելով ունենալով Բելգրադի և Վաշինգտոնի գրասենյակներում: 2008-2009թթ. նա զբաղեցրել է Freedom House-ի Եվրոպայի գրասենյակի տնօրենի պաշտոնը Բուդապեշտում, Հունգարիա, որտեղ պատասխանատու է եղել Կենտրոնական Եվրոպայից մինչև Կենտրոնական Ասիա ընկած տարածաշրջանի 29 երկրում ժողովրդավարական բարեփոխումների մասին «Nations in Transit» տարեկան զեկույցի հրապարակման համար։
2004-ից մինչ 2008թ. Լեհաստանում՝ Վարշավայում եղել է Եվրոպայում անվտանգության և համագործակցության կազմակերպության (ԵԱՀԿ) Ժողովրդավարական հաստատությունների և մարդու իրավունքների գրասենյակի (ԺՀՄԻԳ) Ժողովրդավարացման վարչության ղեկավարը: 1995-2004թթ. ԵԱՀԿ/ԺՀՄԻԳ-ում եղել է միգրացիայի և տեղաշարժի ազատության հարցերով խորհրդական։ 1989-1994թթ. Կալիֆորնիայում՝ Սանտա Մոնիկայում զբաղեցրել է հետազոտող խորհրդատուի պաշտոնը RAND Corporation-ում՝ միաժամանակ աշխատելով իր դոկտորական ատենախոսության վրա:
Դր․ Շկոլնիկովը հրապարակել է մի շարք հոդվածներ և քաղաքական ամփոփագրեր նախկին Խորհրդային Միության տարածքում և դրա հարևան երկրներում մարդու իրավունքների, կառավարման և միգրացիայի վերաբերյալ: Նա ստացել է պրոֆեսորի և մագիստրոսի կոչումները հանրային քաղաքականության վերլուծության ոլորտում Կալիֆորնիա նահանգի Սանտա Մոնիկա քաղաքում գտնվող RAND Քաղաքական ուսումնասիրությունների բարձրագույն դպրոցում:

Նախքան Հայաստանում իր պաշտոնը ստանձնելը, տկն. Վայգանդը 2019թ. հունիսից մինչև 2021թ. սեպտեմբերն աշխատել է որպես ՅՈՒՆԻՍԵՖ-ի ներկայացուցիչ Թուրքմենստանում և 2020թ. դեկտեմբերից մինչև 2021թ. հուլիսը Թուրքմենստանում ՄԱԿ-ի մշտական համակարգողի պաշտոնակատար: Նախկինում տկն. Վեյգանդը եղել է Իրանում ՅՈՒՆԻՍԵՖ-ի ներկայացուցչի տեղակալը (2015-2019թթ.) և ՅՈՒՆԻՍԵՖ-ի սոցիալական քաղաքականության և գնահատման համակարգողը Մադագասկարում (2012-2015թթ.): Նախքան ՅՈՒՆԻՍԵՖ-ին միանալը, տկն. Վայգանդը 2008-2011թթ. աշխատել է KfW Entwicklungsbank-ում (Գերմանական զարգացման բանկ)՝ որպես ծրագրի ղեկավար և սոցիալական պաշտպանության ոլորտի տնտեսագետ, և 2001-2008թթ. Համաշխարհային բանկի Վաշինգտոնի գրասենյակում, որտեղ եղել է սոցիալական պաշտպանության գլոբալ փորձագիտական թիմի անդամ և տրամադրել է տեխնիկական աջակցություն սոցիալական ապահովության ցանցային ծրագրերի և սոցիալական ոլորտների պետական ծախսերի վերանայման ոլորտում: Նա իր կարիերան սկսել է 2001թ. որպես հետազոտող վերլուծաբան Brattle Group տնտեսական խորհրդատվական ընկերությունում:
Տկն. Վայգանդն Ավստրիայի քաղաքացի է։ Նա ավարտել է Նիդերլանդների Մաաստրիխտի համալսարանը՝ տնտեսական ուսումնասիրությունների մագիստրոսի կոչումով: Նա վարժ տիրապետում է անգլերենին, ֆրանսերենին, իսպաներենին և գերմաներենին:

Զարկոնեն ունի ավելի քան երկու տասնամյակի փորձ զարգացման ոլորտում, այդ թվում՝ ղեկավար պաշտոններ Եվրոպայում, Լատինական Ամերիկայում, Մերձավոր Արևելքում և Ենթասահարական Աֆրիկայում։
Նախքան Հայաստանում նշանակվելը Զարկոնեն եղել է Թաիլանդում Համաշխարհային բանկի գրասենյակի ղեկավար։ Մինչ այդ ղեկավարել է բանկի գրասենյակները Բուլղարիայում, Չեխիայում և Սլովակիայում։ Նա նաև ղեկավարել է Կոստա Ռիկայի և Սալվադորի գրասենյակները՝ համակարգելով վարկային և խորհրդատվական ծրագրերը։ Ավելի վաղ Զարկոնեն աշխատել է Մերձավոր Արևելքում՝ համակարգելով բյուջետային աջակցության կարևոր ծրագրեր Արևմտյան Ափում և Գազայի գոտում։
Ֆաբրիցիո Զարկոնեն ունի Իսպանիայի Բիզնեսի կառավարման բարձրագույն բիզնես դպրոցի կողմից մենեջմենթի գիտությունների դոկտորի կոչում, ինչպես նաև Եվրոպական տնտեսագիտության և իրավունքի մագիստրոսի աստիճան: