Մեր թիմը Հայաստանում

Պարոն Նիլս Սքոթն ունի ավելի քան 30 տարվա փորձ միջազգային համագործակցության, զարգացման համակարգման, մարդասիրական օգնության, ճգնաժամերի կառավարման և խաղաղաշինության աջակցության ոլորտում, որը նա ձեռք է բերել Միավորված ազգերի կազմակերպությունում (ՄԱԿ) և վերջինիցս դուրս։ Մինչ Հայաստանում ՄԱԿ-ի մշտական համակարգողի պաշտոնակատարի պաշտոնը զբաղեցնելը, նա աշխատել է Լիբերիայում որպես ՄԱԿ-ի մշտական համակարգող և ՄԱԿ-ի մշտական համակարգողի պաշտոնակատար Ինդոնեզիայում և Բուրունդիում: Նա նաև ծառայել է որպես Միավորված ազգերի կազմակերպության մշտական համակարգող և ՄԱԿ-ի զարգացման ծրագրի մշտական ներկայացուցիչ Վրաստանում: Նա ղեկավար պաշտոններ է զբաղեցրել ՄԱԿ-ի հումանիտար հարցերի համակարգման գրասենյակում, ներառյալ որպես գրասենյակի ղեկավար Լիբիայում, Կոտ դ'Իվուարում և Հաիթիում, ՄԱԿ-ի հումանիտար հարցերի համակարգման գրասենյակի մարդասիրական համակարգման աջակցության բաժնի ղեկավար և նույն գրասենյակի աղետների և խոցելիության քաղաքականության բաժնի ղեկավար: Նա նաև ծառայել է որպես Սուդանի ՄԱԿ առաքելության Դարֆուրի տարածաշրջանային գրասենյակի ղեկավար և Դարֆուրի ՄԱԿ-ի հումանիտար հարցերի համակարգման գրասենյակի ղեկավար:
Մինչ ՄԱԿ-ին միանալը պարոն Սքոթը 15 տարի աշխատել է Կարմիր Խաչի և Կարմիր մահիկի ընկերությունների միջազգային ֆեդերացիայի հետ՝ ներառյալ որպես գործառնական հարցերի համակարգող, ներկայացուցիչ Հաիթիում, Արևմտյան և Կենտրոնական Աֆրիկայի տարածաշրջանային պատվիրակության ղեկավար և Կենտրոնական Ասիայի տարածաշրջանային պատվիրակության ղեկավարի տեղակալ, պատվիրակության ղեկավար Վրաստանում, նախկին Հարավսլավական Մակեդոնիայի Հանրապետությունում օգնության համակարգող և Խորվաթիայում նյութատեխնիկական ապահովման պատասխանատու: Նա նաև ծառայել է որպես Կարմիր խաչի միջազգային կոմիտեի ծրագրի համակարգող Խորվաթիայում և զբաղեցրել այլ պաշտոններ ոչ կառավարական և մասնավոր հատվածներում: Պարոն Սքոթն ունի բրիտանական Էդինբուրգի համալսարանի սոցիալական և քաղաքական գիտությունների կոչում:

Տկն. Սիմոնյանն ավարտել է Մոսկվայի Լոմոնոսովի անվան պետական համալսարանը։ Նա ունի ավելի քան 25 տարվա միջազգային զարգացման և կառավարման փորձ՝ համակարգելով ներառական և կայուն արդյունաբերական զարգացման համար անհրաժեշտ տեխնիկական աջակցության ծրագրերը: Տկն. Սիմոնյանը սկսել է իր գործունեությունը ՄԱԿ-ի համակարգում 1994 թ-ից և աշխատել է ՄԱԶԾ-ում՝ որպես Ծրագրերի ղեկավար՝ համակարգելով բնապահպանական, կայուն էներգետիկայի, գյուղատնտեսության, համայնքային զարգացման, կանանց և կայուն մարդկային զարգացման ծրագրերը: 2005թ.-ին նշանակվել է Հայաստանում ՄԱԱԶԿ ներկայացուցիչ։

Տկն Պետրոսյանն ունի մագիստրոսի կոչում Շեֆֆիլդի և Բրյուսովի անվան պետական համալսարաններից։ Նա հաղորդակցությունների ռազմավարության մրցանակակիր է, ով ունի նորարարական էկոհամակարգի գիտելիքներ և իրականացնում է ինտեգրված շուկայավարման հաղորդակցությունների մշակում բոլոր մակարդակներում: Տկն Պետրոսյանը նեյրոմարքետինգի ոլորտում բանախոս է և հետազոտող, ով տպագրվել է տարբեր միջազգային ակադեմիական ամսագրերում և գրքերում: Մինչ ներկայիս պաշտոնը ստանձնելը, զբաղեցրել է տարատեսակ պաշտոններ տեղական և միջազգային հիմնադրամերում, հաղորդակցական կազմակերպություններում։

Տկն Նասոյանը ստացել է Օտար լեզուների և գրականության մագիստրոսի որակավորում Երևանի պետական համալսարանից: Նա ունի նաև Հարվարդի բիզնես հրատարակչական դպրոցի կառավարման զարգացման ծրագրի վկայագիր և ավարտել է Հայաստանի ազգային ագրարային համալսարանում ագրոնոմիայի եռամյա հեռավար ուսուցումը: Տկն Նասոյանը միացել է ՊԳԿ-ին 2001 թ.-ին։ 2010 թ.-ին նա ստանձնել է ՊԳԿ-ի ներկայացուցչի օգնականի պաշտոնը՝ դառնալով Հայաստանում ՊԳԿ-ի Ծրագրի ղեկավարման և համակարգման պատասխանատուն։
Տկն Նասոյանը ԱՄՆ Միջազգային Զարգացման գործակալության, ԱՄՆ Գյուղդեպարտամենտի և ՄԱԶԾ-ի կողմից ֆինանսավորվող ծրագրերում աշխատելու մեծ փորձ ունի։

Տկն Միլոշևիչը մոլեկուլային գենետիկայի գիտությունների թեկնածու է և բիզնեսի կառավարման և առաջնորդության մագիստրոս: Ունի հարուստ աշխատանքային փորձ Արտակարգ իրավիճակների համակարգման և նյութատեխնիկական ապահովման ոլորտներում: 1998 թ.-ից՝ զբաղեցրել է տարբեր ղեկավար պաշտոններ ՊՀԾ գրասենյակներում՝ համակարգելով կազմակերպության ծրագրերը և արձագանքը արտակարգ իրավիճակներին: Մինչ ներկայի պաշտոնը ստանձնելը, Հռոմում գտնվող ՊՀԾ-ի գլխամասային գրասենյակում զբաղեցրել է Բիզնեսի նախագծման և ռազմավարության գլխավոր խորհրդականի պաշտոնը:

Ժիհան Թաուիլան մասնագիտությամ բժիշկ է՝ ընտանեկան բժշկության մասնագետ։ Ավարտել է Բեյրութի ամերիկյան համալսարանը (Լիբանան)` ստանալով հանրային առողջության առողջապահական ծառայությունների կառավարման մագիստրոսի կոչում: Ժիհան Թաուիլան ունի հանրային առողջության ոլորտում աշխատանքի շուրջ 30 տարվա միջազգային փորձ, ազգային կառավարություններին քաղաքականության և ռազմավարության վերաբերյալ խորհրդատվություն է տրամադրել՝ համագործակցելով առողջապահության զարգացման ոլորտի գործընկերների հետ: Ժիհան Թաուիլան աշխատել է ԱՀԿ-ի Արևելյան Միջերկրական, Հարավարևելյան Ասիայի և Եվրոպայի տարածաշրջաններում՝ ստանձնելով ԱՀԿ ներկայացուցչի պաշտոն Ջիբութիում, Իրանում, Ինդոնեզիայում, Հյուսիսային Մակեդոնիայում և Օմանում։ Իր կարիերան ԱՀԿ-ում սկսել է 1990 թվականին հայրենի երկրում՝ Լիբանանում որպես բժշկական ծրարգրերի պատասխանատու:

Տկն Տեր-Մինասյանն ունի մաթեմատիկայի մագիստրոսի կոչում Թբիլիսիի պետական համալսարանից: Ունի ավելի քան 20 տարվա աշխատանքային փորձ զարգացման և հումանիտար ոլորտներում, ինչպես նաև 2007 թ-ից ՄՄԿ-ի կազմում պաշտպանել է միգրանտների իրավունքները՝ կարևորելով միգրացիայի ներդրումը զարգացման մեջ։ Ներկայիս պաշտոնը ստանձնելուց առաջ, տկն Տեր-Մինասյանը աշխատել է ՄԱԿ-ի հայաստանյան գրասենյակում որպես Գենդերային հարցերով խորհրդատու և ղեկավարել է Հայաստանի աղքատության հաղթահարման ռազմավարության մշակման գործընթացը: Նա նաև աշխատել է ՅՈՒՆԻՖԵՄ-ի Հարավային Կովկասի խաղաղության և անվտանգության ծրագրում, որը կենտրոնացած է խաղաղության կառուցման գործընթացներում կանանց մասնակցության վրա:

Տկն Հարությունյանն ունի լեզվաբանի որակավորում և համեմատական իրավաբանական հետազոտությունների մագիստրոսի կոչում՝ Հայաստանի ամերիկյան համալսարանից։ Վաղ 2000 թվականներից աշխատել է մարդու իրավունքների ոլորտում՝ կենտրոնանալով կանանց իրավունքների և գենդերային հավասարության շուրջ։ Մինչ ՄԱԿ-ի Բնակչության հիմնադրամի թիմին միանալը, տկն Հարությունյանը ինը տարի աշխատել է ԵԱՀԿ-ում և տարբեր մարդու իրավունքների ոլորտում գործող ՀԿ-ներում։ 2013 թ.-ին միացել է ՄԱԲՀ-ին՝ որպես Ծրագրերի ղեկավար, իսկ 2019 թ. սեպտեմբերին ստանձնել է ՄԱԲՀ Գործադիր ներկայացուցչի, ապա 2020 թ. հունվարից՝ Գրասենյակի ղեկավարի պաշտոնը։

Տ-ն Բելանին ծագումով Մալայզիայից է։ Լոնդոնի համալսարանում նա ուսանել է իրավաբանություն և տիրապետում է վեց լեզվի։ Տ-ն Բելանին մոտ 25 տարվա աշխատանքային փորձ ունի ՄԱԿ ՓԳՀ-ում՝ փախստականների պաշտպանության ոլորտում։ Նախքան Հայաստանում նշանակում ստանալը՝ նա տարբեր պաշտոններ է զբաղեցրել ՄԱԿ ՓԳՀ Հնդկաստանի, Հարավային Սուդանի, Հարավաֆրիկյան Հանրապետության, Ղազախստանի, Պակիստանի, Իրաքի և Թաիլանդի գրասենյակներում, ինչպես նաև՝ Սիրիայի փախստականների ճգնաժամին արձագանքման շրջանակում։

Տկն Նացվլիշվիլին ավարտել է Հարվարդի համալսարանի Քենեդու անվան կառավարման դպրոցը` հանրային քաղաքականության մագիստրոսի կոչմամբ, ինչպես նաև` Թբիլիսիի պետական համալսարանի ֆիզիկայի և մաթեմատիկայի ֆակուլտետը՝ մագիստրոսի կոչմամբ։ Ունի մեծ աշխատանքային փորձ միջազգային զարգացման և կառավարման ոլորտներում։ Մինչ ներկա պաշտոնը զբաղեցնելը, տկն Նացվլիշվիլին զբաղեցրել է ղեկավար պաշտոններ ՄԱԶԾ Վրաստանում և Թուրքմենստանում։ Նախքան ՄԱԶԾ-ին միանալը, աշխատել է տարբեր միջազգային կազմակերպություններում, այդ թվում՝ ԱՄՀ-ում և ԵԱՀԿ-ում։ Տկն Նացվլիշվիլին Հայաստանում ՄԱԶԾ մշտական ներկայացուցչի պարտականությունները ստանձնել է 2021թ․ սեպտեմբերի 22-ին։

Տկն Հովհաննիսյանն ունի մագիստրոսի կոչում կենսաքիմիայի ոլորտում: Ունի 11 տարվա աշխատանքային փորձ զբաղվածության և սոցիալական պաշտպանության, հմտությունների զարգացման և աշխատանքային իրավունքների ոլորտներում: Տկն Հովհաննիսյանի փորձաքննության հիմնական ուղղությունները ներառում են զբաղվածության քաղաքականության և աշխատանքային իրավունքների մշակում և իրականացում: Նա նպաստել է քաղաքական փաստաթղթերի, աշխատանքի և զբաղվածության վերաբերյալ իրավական կարգավորումների մշակմանը: Մինչ ԱՄԿ-ին անդամակցելը, զբաղեցրել է Զբաղվածության ազգային ծառայության պետի տեղակալի պաշտոնը: 2005 թվականից սկսել է իր աշխատանքը որպես ԱՄԿ Ազգային համակարգող:

Տկն Բաբայանն ունի մագիստրոսի կոչումներ Հայաստանի գյուղատնտեսության ակադեմիայի Սանիտարական փորձաքննության և անասնաբուժական ֆակուլտետից և Մոսկվայի իրավաբանական ինստիտուտից։ Ունի 17 տարվա աշխատանքային փորձ հանրային առողջապահության ոլորտում՝ նպաստելով առողջապահական քաղաքականության մշակմանը հետևյալ ոլորտներում՝ առողջապահություն և մարդու իրավունքների պաշտպանություն բանտերում, սեռական և վերարտադրողական առողջության իրավունքներ, ՄԻԱՎ/ՁԻԱՀ-ի քաղաքականությանն առնչվող խնդիրներ և այլն։ Մինչ ներկայիս պաշտոնը ստանձնելը, տկն Բաբայանն աշխատել է տարբեր միջազգային կազմակերպություններում, այդ թվում՝ ԱՀԿ-ում, ՅՈՒՆԻՍԵՖ-ում, ՄԱԲՀ-ում, ԵԽ-ում, ԱԶԲ-ում:

Տկն Վայգանդն ավարտել է Նիդերլանդների Մաաստրիխտի համալսարանը՝ տնտեսական ուսումնասիրությունների մագիստրոսի կոչումով: Ունի առավել քան 20 տարվա փորձ՝ միջազգային զարգացման ծրագրերում, մասնավորապես՝ սոցիալական պաշտպանության և սոցիալական քաղաքականության ոլորտներում։ Մինչ ներկա պաշտոնը ստանձնելը, տկն Վայգանդը ղեկավար պաշտոններ է զգաղեցրել ՅՈՒՆԻՍԵՖ-ի Իրանի և Թուրքմենստանի գրասենյակներում, իսկ 2020 թվականի դեկտեմբերից մինչև 2021 թվականի հուլիսը նաև եղել է Թուրքմենստանում ՄԱԿ-ի մշտական համակարգողի ժամանակավոր պաշտոնակատարը։