ՄԱԿ-ի հայաստանյան գրասենյակի ղեկավար կազմի այցը Գորիս, Սյունիքի մարզ
21 հուլիսի 2022
Նկարագրություն՝ Սյունիքի երիտասարդները ՄԱԿ-ի հայաստանյան գրասենյակի ղեկավար կազմին տպավորել են անհավասարությունների կրճատմանը միտված լուծումներ գտնելու պատրաստակամությամբ։
Հայաստանում ՄԱԿ-ի մշտական համակարգողի պաշտոնակատար Լիլա Փիթրս Յահիան կարևորեց տեղացի շահառուների և գործընկերների հետ արդյունավետ քննարկումների անցկացումը:
Սյունիք, 21 հուլիսի 2022 - ՄԱԿ-ի հայաստանյան գրասենյակի ղեկավար կազմն իր ամենամսյա հանդիպումն անցկացրեց Սյունիքի մարզի Գորիս քաղաքում: Այցի նպատակն էր հանդիպել շահառուներին և գործընկերներին, այդ թվում՝ Սյունիքի մարզպետին, գործարար շրջանակներին, կանանց և երիտասարդական խմբերին, ծանոթանալ տեղական զարգացման առաջնահերթություններին և մարտահրավերներին և ներկայացնել ՄԱԿ-ի ծրագրերի և 2021 թվականին գրանցած հիմնական ձեռքբերումները:
Այցի շրջանակում ՄԱԿ-ի հայաստանյան գրասենյակի թիմը այցելեց Գորիս խոշորացված համայնքի Վերիշեն բնակավայրում վերջերս բացված Միավորված ազգերի կազմակերպության Փախստականների գործակալության գրասենյակ և կանանց ռեսուրս կենտրոն։
Նկարագրություն՝ Սյունիքի երիտասարդները ՄԱԿ-ի հայաստանյան գրասենյակի ղեկավար կազմին տպավորել են բիզնեսի և տեղական քաղաքականության մասին իրենց գիտելիքներով և նախաձեռնողականությամբ։
«Տեղական իշխանությունների, մասնավորապես Սյունիքի մարզպետի և Գորիսի փոխքաղաքապետի հետ անկեղծ և արդյունավետ զրույցը թույլ տվեց վերանայել մեր շարունակական բազմակողմ գործընկերության ազդեցությունը և դրա անմիջական ներգործությունը բնակչության, հատկապես խոցելիների և տեղահանվածների վրա։ Համաձայնություն ձեռք բերեցինք համայնքների կարիքներին արդյունավետորեն հարմարվելու կարողություններին, Կայուն զարգացման նպատակների իրականացումը արագացնելուն միտված ջանքերին շարունակական աջակցություն ցուցաբերելու և մարզում ներգրավված գործընկերների հետ համակարգումը ամրապնդելու շուրջ։ Ավելին, շատ ոգեշնչված եմ բիզնեսում և տեղական քաղաքականության մեջ երիտասարդության և կանանց նախաձեռնողականությամբ, դեպի ավելի ներառական, արդար և կայուն հասարակություն ստեղծելու համար դրական փոփոխություններ անելու նրանց պատրաստակամությամբ և ձգտմամբ՝ միտված գենդերային խտրականությունը, շրջակա միջավայրի դեգրադացիան նվազեցնելու համար լուծումներ գտնելուն, ապահովելու ֆինանսների հասանելիությունը, վերականգնվող էներգիան և շատ ավելին», - նշեց Հայաստանում ՄԱԿ-ի մշտական համակարգողի պաշտոնակատար Լիլա Փիթրս Յահիան։
Նկարագրություն՝ Հանդիպման ընթացքում ՄԱԿ-ի հայաստանյան գրասենյակի ղեկավար կազմը քննարկումներ ունեցավ շահառուների և գործընկերների հետ։
Սյունիքի մարզպետ Ռոբերտ Ղուկասյանն իր խոսքում շնորհակալություն հայտնեց ՄԱԿ-ի հայաստանյան գրասենյակի ղեկավար կազմին Սյունիքի մարզին ցուցաբերած հսկայական աջակցության և նվիրվածության համար: Մարզպետն ընդգծեց նման տեսակի համակարգող բնույթի հանդիպումների ավելի հաճախակի անցկացման կարևորությունը և այլ համայնքների և մարզերի համար այս մոդելի կրկնօրինակման անհրաժեշտությունը: Նա նաև շեշտեց բոլոր գործընկերների կողմից համայնքների կարիքների մասին տեղեկանալու և իրենց ծրագրերը դրանց համապատասխան իրականացնելու անհրաժեշտության մասին: Մարզպետը նշեց գյուղատնտեսության մեջ ներդրումների հրատապ անհրաժեշտությունը՝ հաշվի առնելով կլիմայի փոփոխությունը, անվտանգությունը և ջրի կառավարումը։
ՄԱԿ-ի հայաստանյան գրասենյակի ղեկավար կազմն իր երախտագիտությունն է հայտնում տեղի գործընկերներին ջերմ ընդունելության համար և վերահաստատում է իր հանձնառությունը ավելի ամրապնդելու համակարգումն ու գործընկերությունը՝ ի շահ Հայաստանի ժողովրդի, հատկապես կանանց, երիտասարդների և տեղահանված անձանց:
Այս նախաձեռնությանը մասնակցող ՄԱԿ-ի գործակալությունները
ՊԳԿ
Պարենի և գյուղատնտեսության կազմակերպություն
ԱՄԿ
Աշխատանքի միջազգային կազմակերպություն
ՄՄԿ
Միգրացիայի միջազգային կազմակերպություն
ՄԱՁԻԱՀ
ՄԱԿ-ի ՄԻԱՎ/ՁԻԱՀ-ի հարցերի համատեղ ծրագիր
ԳՀՎ
Գլոբալ հաղորդակցությունների վարչություն
ՄԱԶԾ
ՄԱԿ-ի Զարգացման ծրագիր
ՄԱԲՀ
ՄԱԿ-ի Բնակչության հիմնադրամ
ՄԱՓԳՀ
ՄԱԿ-ի Փախստականների հարցերով գերագույն հանձնակատարի գրասենյակ
ՅՈՒՆԻՍԵՖ
ՄԱԿ-ի մանկական հիմնադրամ
ՄԱԱԶԿ
ՄԱԿ-ի արդյունաբերական զարգացման կազմակերպություն
ՊՀԾ
Պարենի համաշխարհային ծրագիր
ԱՀԿ
Առողջապահության համաշխարհային կազմակերպություն
Նպատակները, որոնց մենք աջակցում ենք այս նախաձեռնությամբ
