Պատմություն

Ստորագրվեց 2026-2030 թվականների շրջանակային փաստաթուղթը

19 դեկտեմբերի 2025

The representatives of state departments and ministries of the Republic of Armenia and heads of UN agencies in Armenia at the CF 2026-2030 signing ceremony. — Նկարագրություն՝ ՀՀ պետական գերատեսչությունների ներկայացուցիչները և ՄԱԿ-ի գործակալությունների հայաստանյան ներկայացուցչությունների ղեկավարները ստորագրման արարողությանը

Լուսանկարը՝ © UN Armenia

2025 թվականի դեպտեմբերի 19-ին ստորագրվեց 2026-2030 թթ․ Հայաստան - ՄԱԿ կայուն զարգացման Համագործակցության շրջանակային փաստաթուղթը:

The Cooperation Framework 2026-2030 was signed by Deputy Prime Minister Mher Grigoryan, on behalf of the RA Government, and UN Resident Coordinator in Armenia Françoise Jacob, on behalf of the UN. — Նկարագրություն՝ 2026-2030 թվականների համագործակցության շրջանակը ստորագրեցին ՀՀ կառավարության անունից փոխվարչապետ Մհեր Գրիգորյանը և ՄԱԿ-ի անունից՝ Հայաստանում ՄԱԿ-ի մշտական համակարգող Ֆրանսուազ Ժակոբը։

Լուսանկարը՝ © UN Armenia

ՀՀ Կառավարության և ՄԱԿ-ի հայաստանյան գրասենյակի միջև պաշտոնապես ստորագրվեց 2026-2030 թվականների Հայաստան - ՄԱԿ կայուն զարգացման Համագործակցության շրջանակային փաստաթուղթը:

Ստորագրման արարողությանը մասնակցեցին ՀՀ պետական գերատեսչությունների ներկայացուցիչները և ՄԱԿ-ի գործակալությունների հայաստանյան ներկայացուցչությունների ղեկավարները:

Նկարագրություն՝ 2026-2030 թվականների Հայաստան - ՄԱԿ կայուն զարգացման Համագործակցության շրջանակային փաստաթուղթը

Լուսանկարը՝ © UN Armenia

«Մեր համագործակցության նոր շրջանակը լիովին համահունչ է Կառավարության գերակայություններին և հնարավորություն է տալիս համատեղել զարգացման քաղաքականությունը Հայաստանի խաղաղության օրակարգի հետ։ Սա մեզ թույլ է տալիս ունենալ միասնական, համակարգված և ապագային միտված ծրագրային համագործակցություն», - նշեց ՀՀ Փոխվարչապետ Մհեր Գրիգորյանն իր ողջույնի խոսքում։

Այնուհետև, Հայաստանում ՄԱԿ-ի մշտական համակարգող Ֆրանսուազ Ժակոբը ներկայացրեց փաստաթղթի հիմնական բովանդակությունը և համագործակցության շրջանակը:

UN Resident Coordinator Françoise Jacob presented the key pillars and strategic direction of the Cooperation Framework — Նկարագրություն՝ Հայաստանում ՄԱԿ-ի մշտական համակարգող Ֆրանսուազ Ժակոբը ներկայացրեց փաստաթղթի հիմնական բովանդակությունը։

Լուսանկարը՝ © UN Armenia

«Ստորագրում ենք այս Համագործակցության շրջանակը Հայաստանի զարգացման համար կարևոր փուլում։ Այսօր կայացվող որոշումները ձևավորելու են երկրի զարգացման ուղին առաջիկա տասնամյակների համար։ Մեր ընդհանուր նպատակն է ծառայել Հայաստանի ժողովրդին՝ հատկապես նրանց, ովքեր առավել խոցելի են։ 2026 թվականը լինելու է մարդակենտրոն տարի, որը կնշանավորվի այնպիսի զարգացումներով, որոնք կարևորում են վստահությունը, ներառականությունը և սոցիալական համախմբվածությունը»,- նշեց Ֆրանսուազ ժակոբը: