Զարգացման խթանում Հայաստանում սփյուռքի ներգրավվածության միջոցով
2022 թվականին Միգրացիայի միջազգային կազմակերպությունը (ՄՄԿ) մեկնարկեց «Զարգացման խթանում Հայաստանում սփյուռքի ներգրավվածության միջոցով» ուսումնասիրությունը՝ գնահատելու հայկական սփյուռքի՝ երկրում որպես կայուն զարգացման կատալիզատոր հանդես գալու ներուժը։ Ուսումնասիրությունն իրականացվել է Հայաստանի Հանրապետությունում միգրացիայի հարցերով ՄԱԿ-ի ցանցի շրջանակներում և ՄԱԿ-ի Զարգացման ծրագրի (ՄԱԶԾ) և ՄԱԿ-ի այլ գործակալությունների, ինչպես նաև Մշտական համակարգողի գրասենյակի հետ սերտ համագործակցությամբ:
Իր վերլուծության միջոցով ՄՄԿ-ն ուսումնասիրել է սփյուռքի դերը երեք առաջնահերթ ոլորտներում առաջընթաց ապահովելու գործում՝ գյուղատնտեսության զարգացում, զբոսաշրջություն և գիտություն և կրթություն: Զեկույցը պատրաստելու համար ՄՄԿ-ն գնահատել է հայկական սփյուռքի կողմից ձեռնարկված նախագծերն ու նախաձեռնությունները երեք առաջնահերթ ոլորտներում, բացահայտել է սփյուռքի ներգրավման հնարավորությունները, սահմանել է ինստիտուցիոնալ բարելավումներ Հայաստանի և սփյուռքի միջև փոխշահավետ կապի համար և մշակել է ճանապարհային քարտեզ սփյուռքի ֆինանսավորման համար՝ ի աջակցություն կայուն զարգացման նպատակների (ԿԶՆ): «Զարգացման խթանում Հայաստանում սփյուռքի ներգրավվածության միջոցով» զեկույցը պարունակում է նպատակաուղղված և գործող առաջարկություններ, այդ թվում՝ ուղղված նորարարական ֆինանսավորման մեխանիզմներ բացահայտելուն և մշակելուն՝ երկրի կայուն զարգացման գործընթացում հայկական սփյուռքի ավելի լայն և ներառական ներգրավման համար:
Հրապարակվել է տվյալ կազմակերպության կողմից
Հրապարակվել է տվյալ կազմակերպությունների հետ համատեղ
Նպատակները, որոնց մենք աջակցում ենք այս նախաձեռնությամբ
