Պատմություն

Մեկնարկեց «Խնամել առանց վնասի» 6-օրյա կրթական ճամբարը` տարեցներին խնամողների համար

16 օգոստոսի 2021

A group of young women discuss a topic during the "Caring without Hurting” EduCamp. — Նկարագրություն՝ «Խնամել առանց վնասի» կրթական ճամբարի մասնակիցները։

Լուսանկարը՝ © UNFPA Armenia

«Խնամել առանց վնասի» կրթական ճամբարը հրաշալի հարթակ կծառայի նաև փորձի փոխանակման համար։

ՄԱԿ-ի Բնակչության հիմնադրամը, Տարեցների առողջության և խնամքի ապահովման ասոցիացիայի հետ միասին, մեկնարկեց «Խնամել առանց վնասի» (Caring without Hurting” EduCamp for the Carestaff of Nursing Homes) կրթական ճամբարը, որը վեց օր շարունակ միավորելու է ՀՀ տուն-ինտերնատներում և տարեցների շուրջօրյա խնամքի կենտրոններում տարեցների հետ աշխատող մասնագետներին։

Participants of the "Caring without Hurting” EduCamp are listening for a presentation. — Նկարագրություն՝ «Խնամել առանց վնասի» կրթական ճամբարի մասնակիցները։

Լուսանկարը՝ © UNFPA Armenia

Այն մի յուրօրինակ ծրագիր է, որի նպատակը ոչ միայն տարեցների հետ աշխատող մասնագետների՝ բուժքույրների, մայրապետների, խնամողների, հմտությունների զարգացումն է և գիտելիքների հարստացումը, այլև՝ հենց նրանց մասին հոգ տանելը. չէ՞ որ խնամողի աշխատանքը ամենից ռիսկային և հուզական սպառվածության հանգեցնողներից է։

Badges of the "Caring without Hurting” EduCamp participants. — Նկարագրություն՝ «Խնամել առանց վնասի» կրթական ճամբարի մասնակիցները կրծքանշանները։

Լուսանկարը՝ © UNFPA Armenia

Վեցօրյա ճամբարը հրաշալի հարթակ կծառայի նաև փորձի փոխանակման, նոր ծանոթությունների և մասնագիտությանն այլ տեսանկյունից նայելու, վերարժևորելու համար։ Անդրադառնալու ենք գերիատրիայի, գերոնտոլոգիայի, ծերության վերաբերյալ մեր դիրքորոշումների, առողջական տարածված խնդիրների, դրանց դեպքում գրագետ խնամքի և շատ ու շատ կարևոր այլ թեմաների՝ նպաստելով առօրյա դարձած աշխատանքն ավելի արդյունավետ ու գրագետ անելուն։