Հայաստանը դաբաղի վերահսկողության ուղղությամբ առաջընթաց է գրանցում՝ Պարենի և գյուղատնտեսության կազմակերպության և դաբաղի հիվանդության դեմ պայքարի Եվրոպական հանձնաժողովի աջակցությամբ

Դաբաղը շարունակում է մնալ աշխարհի ամենալուրջ անդրսահմանային կենդանիների հիվանդություններից մեկը։ Այն խիստ վարակիչ վիրուսային հիվանդություն է, որն արագ տարածվում է երկսմբակավոր կենդանիների շրջանում, ինչպիսիք են խոշոր եղջերավոր կենդանիները նները, ոչխարները, այծերն ու խոզերը։ Դաբաղը կարող է տարածվել ինչպես կենդանիները, այնպես էլ վարակված կերի և կենդանաբանական արտադրանքի, աերոզոլների, ինչպես նաև սարքավորումների, տրանսպորտային միջոցների ու հագուստի միջոցով։ Հիվանդությունը լուրջ տնտեսական վնասներ է պատճառում գյուղատնտեսությանը և ազդում է երկրի պարենային անվտանգության վրա։ 

Սպառնալիքից զերծ մնալու համար Հայաստանը սերտորեն համագործակցում է Միավորված ազգերի կազմակերպության Պարենի և գյուղատնտեսության կազմակերպության (FAO), դաբաղի հիվանդության դեմ պայքարի Եվրոպական հանձնաժողովի (EuFMD), Կենդանիների առողջության համաշխարհային կազմակերպության (WOAH) հետ՝ «Աստիճանական վերահսկողության ուղու» (PCP-FMD) շրջանակներում: Տարածաշրջանային այս համագործակցությունը նպաստել է վաղ նախազգուշացման համակարգերի ամրապնդմանը, պատվաստման համահունչ ռազմավարությունների խթանմանը և ազգային պատրաստվածության բարձրացմանը՝ հիվանդության հնարավոր բռնկումներին արձագանքելու համար։

2025 թվականի օգոստոսի 18-ից 20-ը Երևանում տեղի ունեցավ դաբաղի ազգային աստիճանական վերահսկողության ուղու աշխատաժողովը, որը համախմբեց պետական պաշտոնյաների, անասնաբուժական փորձագետների, գյուղատնտեսական կազմակերպությունների և միջազգային գործընկերների՝ Հայաստանում դաբաղի վերահսկողության ազգային պայքարի ռազմավարության առաջմղման նպատակով։ Աշխատաժողովը, որը կազմակերպվել էր Եվրոպական միության դաբաղի  հիվանդության դեմ պայքարի Եվրոպական հանձնաժողովի «Գործեք արագ՝ եղեք պատրաստված» ռազմավարության շրջանակներում՝ ՊԳԿ-ի աջակցությամբ, Հայաստանի համար կարևոր իրադարձություն դարձավ՝ որպես Եվրոպական միության դաբաղի հիվանդության դեմ պայքարի Եվրոպական հանձնաժողովի նոր անդամ։

Երեք օրերի ընթացքում մասնակիցները ծանոթացան գործնական գործիքներին և մեթոդաբանություններին, որոնք հնարավորություն են տալիս գնահատելու դաբաղի վերահսկողությանմիջոցառումների տնտեսական ծախսերն ու օգուտները Հայաստանում։ Քննարկումները կենտրոնացած էին հետազոտական հարցերի հստակեցման, արդեն իսկ առկա տվյալների վերանայման և պատվաստման երկարաժամկետ ռազմավարությունների գնահատման նախագծման վրա։ Աշխատաժողովի նպատակը Հայաստանի համար ապացույցների վրա հիմնված հստակ շրջանակ ապահովելն էր, որը կուղղորդի որոշումների կայացումը և կապահովի, որ արդյունքները հիմք հանդիսանան հիվանդության կանխարգելման և վերահսկման ազգային քաղաքականությունների մշակման համար։

Աշխատաժողովից հետո Հայաստանի հանրապետության Էկոնոմիկայի նախարարության և Գլխավոր անասնաբույժի հետ կայացած բարձր մակարդակի հանդիպումները ևս մեկ անգամ ընդգծեցին Հայաստանի հանձնառությունը՝ դաբաղի կանխարգելումն ու վերահսկողությունը կառուցել գիտության և տարածաշրջանային ամուր համագործակցության վրա։