Հայաստան-Նեպալ թվինինգ ծրագրի շրջանակում Հայաստանն ընդունել է Նեպալի պատվիրակությանը
2024 թվականի մայիսի 12-ից 18-ը Հայաստանն ընդունել է Նեպալի Դաշնային Ժողովրդավարական Հանրապետության բարձրաստիճան պատվիրակությանը
2024 թվականի մայիսի 12-ից 18-ը Հայաստանն ընդունել է Նեպալի Դաշնային Ժողովրդավարական Հանրապետության բարձրաստիճան պատվիրակությանը Հայաստան-Նեպալ թվինինգ ծրագրի կամավոր ազգային զեկույցների (ESCAP VNR) նախապատրաստական աշխատանքների շրջանակում։ Ճանաչողական այցի նպատակն էր ամրապնդել համագործակցությունը և գիտելիքների փոխանակումը երկու երկրների միջև Կայուն զարգացման նպատակների (ԿԶՆ) իրականացման գործում՝ կարևորելով երկրների միջև առկա նմանությունները և զարգացման հնարավորությունները:
Արտաքին գործերի նախարարությունում բացման միջոցառման ժամանակ ՄԱԿ-ի հայաստանյան գրասենյակի մշտական համակարգող Ֆղանսուազ Ժակոբը գրասենյակի կողմից ողջունել է պատվիրակներին և ընդգծել երկու երկրների միջև փոխանակման և համագործակցության կարևորությունը, հատկապես, որ նրանք ներկայացնելու են իրենց կամավոր ազգային զեկույցներն այս տարի:
Նա ընդգծել է կամավոր ազգային զեկույցների դերը երկու երկրներում ԿԶՆ-ի իրականացումը գնահատելու և արագացնելու գործում, երկրների առաջընթացի կարևոր և համապարփակ դիտարկման հնարավորությունը և, իհարկե, դրա կարևորությունը որպես հասարակության համար հաշվետվողականության և թափանցիկության գործիք: Ֆղանսուազ Ժակոբը նաև հատուկ ուշադրության է արժանացրել դեպի ծով ելք չունեցող լեռնային այս երկրներում բնապահպանական մարտահրավերների հարցը:
Առաքելության ընթացքում պատվիրակությունն այցելել է Ազգային ժողով՝ քննարկելու ԿԶՆ գործընթացներում խորհրդարանական ներգրավվածությունը, Վիճակագրական կոմիտե՝ ԿԶՆ մոնիտորինգի գործընթացը վերանայելու, և հանդիպումներ ունեցել Տարածքային կառավարման և ենթակառուցվածքների և Շրջակա միջավայրի նախարարություններում: Պատվիրակությունը խորհրդակցություններ է անցկացրել ՀՀ փոխարտգործնախարարի հետ համագործակցության ամրապնդման շուրջ և ընդգծել հուլիսին կայանալիք Բարձր մակարդակի քաղաքական ֆորումի շրջանակներում համատեղ միջոցառումների կարևորությունը:
Առաքելության կարևոր ձեռքբերումներից է Երևանի առևտրաարդյունաբերական պալատի և Նեպալի առևտրի պալատի միջև ստորագրված փոխըմբռնման հուշագիրը։ Սա հնարավորություններ կստեղծի երկու պալատների միջև հետագա համագործակցության համար:
Հայաստան-Նեպալ թվինինգ ծրագրի շրջանակներում նախատեսված էին այցելություններ և հանդիպումներ ՀՀ շահագրգիռ գերատեսչություններում` ծանոթանալու ՀՀ ոլորտային ռազմավարություններին և ծրագրերին, ճանաչողական այցեր ՀՀ տեղեկատվական տեխնոլոգիաների ոլորտի կազմակերպություններ, գիտակրթական կենտրոններ, ինչպես նաև դաշտային ճանաչողական այցեր Արմավիրի և Գեղարքունիքի մարզերում իրականացվող ենթակառուցվածքային և բնապահպանական ծրագրերին ծանոթանալու համար։
Հայաստանի արտաքին գործերի նախարարությունը, լինելով Թվինինգ ծրագրի հյուրընկալողը, հաստատեց իր պատրաստակամությունը հետագա համագործակցության համար՝ կամավոր ազգային զեկույցների՝ հուլիս ամսին ներկայացվելիք շնորհանդեսից դուրս՝ հատուկ ուշադրություն դարձնել մոնիտորինգի առաքելության ձեռքբերումներին:
Հեղինակ՝
Այս նախաձեռնությանը մասնակցող ՄԱԿ-ի գործակալությունները
Այս նախաձեռնությանը մասնակից այլ գործակալությունները
Նպատակները, որոնց մենք աջակցում ենք այս նախաձեռնությամբ
