Ծրագրի խորհրդատվական կոմիտեի հանդիպմանը ներկայացվել է «Միասին նպաստենք Հայաստանում աշխատանքային իրավունքների իրացմանը» ծրագրի ձեռքբերումները

«Միասին նպաստենք Հայաստանում աշխատանքային իրավունքների իրացմանը» ծրագրի խորհրդատվական կոմիտեի վերջին հանդիպումը, որը կայացել է նոյեմբերի 16-ին, ներկայացվել է ծրագրի զգալի ձեռքբերումներն ու առաջընթացը։ ՄԱԿ-ի հայաստանյան գրասենյակում կայացած հանդիպումը համախմբել էր հիմնական շահագրգիռ կողմերին՝ Հայաստանում աշխատանքային իրավունքների խթանմանը և ընդլայնմանը նվիրված քննարկման նպատակով։

Ստեղծվելով սոցիալական երկխոսությունը խթանելու ԱՄԿ-ի մոտեցմանը համահունչ՝ խորհրդատվական կոմիտեն կարևոր դեր է կատարում ապահովելու, որ ծրագրի ռազմավարությունները, նպատակները և գործողությունները արդյունավետ կերպով ներկայացվեն գործընկերներին: Այս մոտեցումը նպաստում է շահառուների միջև սեփականության զգացողության զարգացմանը՝ նպաստելով կառավարության, գործատուների և աշխատողների համագործակցությանը՝ սոցիալական երկխոսության միջոցով, ինչը կարևոր է աշխատավայրում աշխատանքային օրենսդրության համապատասխանության ապահովման և աշխատողների իրավունքների պաշտպանության համար:

Բացման խոսքում Աշխատանքի միջազգային կազմակերպության Արժանապատիվ աշխատանքի տեխնիկական աջակցության խմբի և Արևելյան Եվրոպայի ու Կենտրոնական Ասիայի երկրների համակարգող Միխայիլ Պուշկինն ընդգծել է ԱՄԿ «Միասին նպաստենք Հայաստանում աշխատանքային իրավունքների իրացմանը» ծրագրի ազդեցությունը հայաստանյան աշխատանքային ինստիտուտների հզորացման գործում:

Նա կարևորել է տարվա ընթացքում ծրագրի համագործակցությունն այնպիսի կառույցների հետ, ինչպիսիք են՝ ՀՀ Աշխատանքի և սոցիալական հարցերի նախարարությունը, ՀՀ առողջապահական և աշխատանքի տեսչական մարմինը և Տեսչական մարմինների աշխատանքների համակարգման գրասենյակը։ Պուշկինի խոսքով, այս ջանքերը նպատակ ունեն խթանել ազգային աշխատանքային օրենսդրության և Աշխատանքի միջազգային չափորոշիչների (ILS) համապատասխանությանը:

Աշխատանքի միջազգային կազմակերպության ծրագրի համակարգող Նվեր Սարգսյանը ներկայացրել է ծրագրի առաջնային ձեռքբերումներից մի քանիսը, այդ թվում՝

• Դասընթացավարների վերապատրաստում՝ 27 աշխատանքային տեսուչների համար, որոնցից 11-ն ընտրվել են որպես դասընթացավարներ՝ տեսուչների հետագա վերապատրաստման աշխատանքների համար,
• ԱԱՏՄ-ի հետ համաձայնագիր՝ Դեպքերի վարման էլեկտրոնային համակարգի նախագծման և զարգացման նպատակով,
• ԱՄԿ-ի համապատասխան առաջարկությունների և ուղեցույցների հիման վրա «Հայաստանում աշխատանքային վայրերում անհատական աշխատանքային բողոքների քննարկաման ներքին ընթացակարգերի ուղեցույցի» մշակում,
• Շարունակական համագործակցություն ՀՀ Արդարադատության ակադեմիայի հետ՝ վերջնականացնելու միջազգային աշխատանքային իրավունքի և ազգային աշխատանքի իրավունքի ուսուցման դասընթացները:

Նվեր Սարգսյանը նաև խոսել է առաջիկա նախաձեռնությունների, այդ թվում՝ ԱՄԿ ազգային խորհրդատուի համար ինտերակտիվ մոբայլ հավելված մշակելու տեխնիկական առաջադրանքի վերջնական ձևակերպման մասին: Բացի այդ, ընթացքի մեջ է առկա գործիքների արդյունավետության գնահատումը և պոտենցիալ գործիքների ուսումնասիրությունը, որի նպատակն է Հայաստանում միջազգային աշխատանքային ստանդարտներին և աշխատանքային օրենսդրությանն ավելի բարձր համապատասխանության հաղորդելը: Ներկայում ծրագիրը նախաձեռնում է ժամկետների երկարաձգում` դյուրացնելու այն գործողությունների տրամաբանական շարունակությունը, որոնք ավարտին չեն հասցվել արտաքին գործոնների պատճառով:

«Միասին նպաստենք Հայաստանում աշխատանքային իրավունքների իրացմանը» ծրագիրն իրականացվում է ԱՄԿ կողմից և ֆինանսավորվում է ԱՄՆ աշխատանքի դեպարտամենտի կողմից (USDOL)։ Ծրագրի հիմնական նպատակն է հզորացնել աշխատանքային օրենսդրության համապատասխանությունը միջազգայնորեն ընդունված չափորոշիչների հետ, ինչպես նաև բարձրացնել դատական ​​և արտադատական ​​պաշտպանության միջոցների մատչելիությունը Հայաստանում: