ՄԱԿ-ի հայաստանյան գրասենյակը դիմում է դոնորներին՝ տրամադրելու 97 մլն դոլարի օժանդակություն Հայաստանում ապաստանած փախստականներին

Այսօր գործարկված Հայաստանում փախստականների կարիքներին արձագանքման ծրագիրը (ՓԿԱԾ) ներկայացնում է 60 գործընկերների, այդ թվում 43 ազգային ՀԿ-ների և ամփոփում վեցամսյա ժամկետում՝ մինչև 2024 թվականի մարտի վերջը տրամադրվող օգնության աշխատանքները։ Համատեղ ծրագիրը նպատակ ունի աջակցել 196,000 մարդու, այդ թվում 101,000 փախստականների և տեղական համայնքների 95,000 ներկայացուցիչների։ Ծրագրում հաշվի են առնված նաև առաջիկա ձմեռային ցուրտ ամիսները, երբ օգնության անհրաժեշտությունն է՛լ ավելի կսրվի։

Սեպտեմբերի վերջին ռազմական գործողությունների սրացմանը հաջորդող մեկ շաբաթից էլ պակաս ժամանակում Հայաստան է ժամանել ավելի քան 100 հազար փախստական։ Նոր ժամանածների շարքում են շուրջ 30,000 երեխաներ եւ բազմաթիվ խոցելի մարդիկ, ներառյալ հղի կանայք, հաշմանդամություն եւ առողջության քրոնիկ խնդիրներ ունեցող բազմաթիվ այլ անձինք։ Փախստականների կեսից ավելին տարեցներ են եւ երեխաներ։

Միջգործակալական արձագանքման ծրագիրը կնպաստի և կլրացնի կառավարության արձագանքը՝ շեշտադրելով անհետաձգելի պաշտպանության ու աջակցության կարևորությունը, միաժամանակ կենտրոնանալով ներառականության, դիմակայունության և այն լուծումներին վրա, որոնք ուղղված են ինչպես փախստականներին, այնպես էլ ընդունող համայնքներին։

Կարդացեք Հայաստանում Փախստականների կարիքներին արձագանքման ծրագիրն այստեղ։