Գլխավոր քարտուղարի խոսնակի հայտարարությունը Հայաստանի և Ադրբեջանի միջև վարույթների շրջանակներում Արդարադատության միջազգային դատարանի ընդունած որոշումների վերաբերյալ
Ստեֆան Դյուժարիկ, ՄԱԿ-ի գլխավոր քարտուղարի խոսնակ
Նյու Յորք, 24 փետրվարի 2023 թ.
Գլխավոր քարտուղարն ի գիտություն է ընդունում Արդարադատության միջազգային դատարանի որոշումները, որոնք կայացվել են փետրվարի 22-ին Հայաստանի Հանրապետության և Ադրբեջանի Հանրապետության միջև վարույթների շրջանակներում։
Գլխավոր քարտուղարը ողջունում է Հայաստանի և Ադրբեջանի կառավարությունների վստահության ցուցաբերումը Դատարանին, որ դրսևորվել է իրենց տարաձայնությունները կարգավորելու համար վերջինիս դիմելով:
Նա վերհիշեցնում է, որ Դատարանի որոշումները պարտադիր են և վստահ է, որ կողմերը կիրականացնեն դրանք, այդ թվում՝ Լաչինի միջանցքով անձանց, տրանսպորտային միջոցների և բեռների երկու ուղղություններով անխափան տեղաշարժն ապահովելու միջոցառումների վերաբերյալ որոշումը:
Գլխավոր քարտուղարը հույս է հայտնում, որ Հայաստանն ու Ադրբեջանը կշարունակեն աշխատել երկկողմ հարաբերությունները բարելավելու ուղղությամբ և վճռականորեն խրախուսում է կառուցողական երկխոսությունը։
Ելույթի հեղինակ՝
Նպատակները, որոնց մենք աջակցում ենք այս նախաձեռնությամբ
