Պատմություն

Միավորում ենք ջանքերը՝ հանուն դիմակայուն Հայաստանի

14 հուլիսի 2023

Three UN officials listening to a speech delivered by a guest speaker. — Նկարագրություն՝ ՊՀԾ-ն Աշխատանքի և սոցիալական հարցերի նախարարության հետ համագործակցությամբ իրականացնում է «Ինտեգրված արձագանք ՀՀ-ում պարենի գնաճի հետևանքներին» ծրագիրը՝ ԱՄՆ ՄԶԳ-ի ֆինանսավորմամբ։

Լուսանկարը՝ © WFP Armenia

ՊՀԾ-ն և Աշխատանքի և սոցիալական հարցերի նախարարությունն իրականացնում են «Ինտեգրված արձագանք ՀՀ-ում պարենի գնաճի հետևանքներին» ծրագիրը՝ ԱՄՆ ՄԶԳ-ի ֆինանսավորմամբ։

ՄԱԿ-ի Պարենի համաշխարհային կազմակերպությունը, համագործակցելով Աշխատանքի և սոցիալական հարցերի նախարարության հետ, իրականացնում է «Ինտեգրված արձագանք Հայաստանում պարենի գնաճի հետևանքներին» ծրագիրը ԱՄՆ ՄԶԳ-ի ֆինանսավորմամբ։ Միասին, մենք աշխատում ենք հանուն Հայաստանի ժողովրդի լուսավոր ապագայի։

Այս նախաձեռնության շրջանակում ՊՀԾ-ն հպարտությամբ հայտնում է աղետներին արձագանքող սոցիալական պաշտպանության ազգային ընթացակարգերի մշակման և գործարկման գործընթացի մեկնարկի մասին։ Այս ընթացակարգերը կդառնան կայուն մեխանիզմներ, որոնց միջոցով ազգային սոցիալական պաշտպանության համակարգը կարձագանքի Հայաստանում տեղի ունեցող տարատեսակ աղետներին։

Գործընթացի արդյունավետությունն ապահովելու նպատակով, 2023 թ․-ի մարտին ձևավորվեց աղետներին արձագանքող սոցիալական պաշտպանության միջգերատեսչական աշխատանքային խումբ՝ Աշխատանքի և սոցիալական հարցերի նախարարության գլխավորության ներքո։ Խմբի կազմում ընդգրկվեցին Տարածքային կառավարման և ենթակառուցվածքների նախարարության, Ներքին գործերի նախարարության, ՀՀ միգրացիոն ծառայության ներկայացուցիչները։ Նրանց փորձն ու հանձնառությունը կարևոր են ֆունկցիոնալ և ռեսուրսերով ապահովված ընթացակարգերի մշակման ժամանակ՝ աղետներին և ճգնաժամերին արդյունավետ կերպով արձագանքող սոցիալական պաշտպանության համակարգ ունենալու համար, որտեղ Պարենի համաշխարհային ծրագիրը առանցքային դերակատարում ունի որպես գործընթացների համակարգող։

16 people attending a meeting. — Նկարագրություն՝ ՊՀԾ-ն մեկնարկում է աղետներին արձագանքող սոցիալական պաշտպանության ազգային ընթացակարգերի մշակման և գործարկման գործընթաց։

Լուսանկարը՝ © WFP Armenia

Վերջերս, միջգերատեսչական աշխատանքային խումբը, Պարենի համաշխարհային ծրագրի հետ համագործակցելով, իրականացրեց սիմուլյացիոն վարժություն Երևանի Կոնգրես հյուրանոցում, որին մասնակցեցին միջազգային գործընկերները, միջգերատեսչական աշխատանքային խմբի անդամներն ու ՀԿ-ները։ Վարժության մասնակիցները քննարկեցին երկրաշարժի և հակամարտության սցենարները՝ քարտեզագրելու արձագանքման գործողություններն ու համակարգումը։ Վարժության կարևոր արդյունքներից էին՝ համատեղ աշխատանքի փորձը, արձագանքման ժամանակ դերերը հստակ բաշխելու խնդիրները և ինստիտուցիոնալ բացերը, որոնք մասնակիցները բացահայտեցին միասին։

Մեր հանձնառությունն է ստեղծել հարթակներ, որոնք կապահովեն համատեղ և համակարգված արձագանք աղետներին։