ՄԱԿ-ի հայաստանյան գրասենյակի շնորհավորական ուղերձը Աղջիկ երեխայի միջազգային օրվա առթիվ

Ամբողջ աշխարհում վերջին տասնամյակում գնալով էլ ավելի մեծ ուշադրություն է դարձվում աղջիկներին առնչվող հարցերին։

Աղջիկների իրավունքները գնալով ավելի մեծ ճանաչում են ստանում, և աղջիկներին ավելի լայն հնարավորություններ են տրվում լսելի լինելու համար:

Այս միջազգային օրն ուշադրություն է հրավիրում աղջիկների՝ մարդու իրավունքների իրագործման և աղջիկների կարողությունների զարգացման վրա։ 

Աղջիկները կրթված լինելու և առողջ կյանք վարելու իրավունք ունեն։ Նրանք ապահով լինելու իրավունք ունեն։

Այնուամենայնիվ, չնայած կառավարությունների, քաղաքականություն մշակողների, որոշում կայացնողների և հասարակության լայն շերտերի, ինչպես նաև միջազգային կազմակերպությունների, քաղաքացիական հասարակության և մասնավոր հատվածի կողմից մեծ ուշադրությանը, մարտահրավերները շարունակում են մնալ:

Չնայած խոչընդոտներին՝ Հայաստանը տեսանելի առաջընթաց է արձանագրել, հատկապես գիտության, տեխնոլոգիայի, ճարտարագիտության և մաթեմատիկայի ոլորտներում աղջիկների ավելի շատ ներգրավմամբ։ Սա նշանակում է՝ պետք է միավորենք ջանքերը «այսօրվա Աղջիկների և վաղվա Կանանց» խելամտության, ստեղծարարութան և հաստատակամության առաջմղման համար։ 

Ինչպես շատ երկրներում, Հայաստանում ևս գենդերային հիմքով բռնությունը շարունակում է   խնդրահարույց մնալ։ 

ՔՈՎԻԴ-19 համավարակը ևս վատթարացրեց արդեն գոյություն ունեցող խոչընդոտները աղջիկների, ինչպես նաև կանանց համար:

«Եկեք պայմանավորվենք միավորել ջանքերը և ներդնումներ անել այն ապագայի համար, որը կենտրոնանում է աղջիկների կարողությունների, նրանց ներուժի և ապագա առաջնորդության առաջմղման վրա», - նշում է Հայաստանում ՄԱԿ-ի մշտական համակարգողի պաշտոնակատար Լիլա Փիթրս Յահիան։