ՄԱԿ-ի օրվա տոնակատարությունը Հայաստանում. 2019թ

ՄԱԿ-ի հայաստանյան գրասենյակը պատվի ուներ նշելու ՄԱԿ-ի 74-ամյակը յուրահատուկ երեկույթով Ազգային Պատկերասրահում՝ տոնելու Հայաստանում և աշխարհում միջազգային և ազգային գործընկերների հետ համատեղ ՄԱԿ-ի կողմից իրականացվող կարևոր աշխատանքը՝ ուղղված ԿԶՆ-ներին և Օրակարգ 2030-ին։ 

Առանձնահատուկ պատիվ էր տոնակատարությանը ՄԱԿ-ի Գլխավոր քարտուղարի քաղաքական և խաղաղության հաստատման հարցերով տեղակալ Ռոզմարի ԴիԿառլոյի և Հայաստանի փոխվարչապետ Մհեր Գրիգորյանի ներկայությունը։ Երեկույթը սկսվեց Think Equal ֆորումով, որը վարում էր Հայաստանում ՄԱԿ-ի մշտական համակարգող Շոմբի Շարփը:

Ֆորումի հատուկ հյուրերը՝ ՄԱԿ-ի Գլխավոր քարտուղարի քաղաքական և խաղաղության հաստատման հարցերով տեղակալ Ռոզմարի ԴիԿառլոն, ԱԺ փոխնախարար Լենա Նազարյանը և ՀՀ աշխատանքի և սոցիալական հարցերի նախարար Զարուհի Բաթոյանը ներկայացրեցին իրենց անձնական պատմությունները և ընդգծեցին կանանց հզորացման և խաղաղության ու անվտանգության հարցերում նրանց ներգրավվածության կարևորությունը: Քննարկմանը հետևեց ընդունելություն, որի ժամանակ ելույթ ունեցավ ՀՀ փոխվարչապետ Մհեր Գրիգորյանը՝ կարևորելով ՄԱԿ-ի գործունեությունը Հայաստանում և աշխարհում։