Պատմություն

Մոնրեալի արձանագրությունը ՄԱԿ-ի կայուն զարգացման նպատակների 2030 թվականի օրակարգի ենթատեքստում

12 օգոստոսի 2022
Almost forty students listened to a presentation.
Նկարագրություն՝ Հանդիպման խոսնակները ներկայացրին ՄԱԿ-ը որպես միջազգային համագործակցության, հավասարակշռման և խնդիրների լուծման ինստիտուտ, ՄԱԱԶԿ-ի հիմնադրման նպատակները և գործունեության ուղղությունները, կայուն զարգացման նպատակները և օզոնային շերտի պահպանությունը դրանց ենթատեքստում:
Լուսանկարը՝ © National Ozone Unit of Armenia

Հանդիպմանը հատուկ անդրադարձ կատարվեց երիտասարդների դերին՝ որպես սոցիումի շարժիչ ուժ։

2022 թվականի օգոստոսի 12-ին ՄԱԿ-ի գրասենյակի նիստերի դահլիճում շրջակա միջավայրի նախարարությունը ՄԱԱԶԿ-ի հետ համատեղ իրականացվող «Ինստիտուցիոնալ հզորացում և կարողությունների ստեղծում» ծրագրի շրջանակներում կազմակերպել է «Մոնրեալի արձանագրությունը ՄԱԿ-ի կայուն զարգացման նպատակների 2030 թվականի օրակարգի ենթատեքստում» թեմայով՝ Երիտասարդության միջազգային օրվան նվիրված կլոր սեղան-քննարկումը:

Օրվա խորհուրդը կրողներին՝ Երևանի Ն․ Աճեմյանի անվան տարածաշրջանային թիվ 2 պետական քոլեջի, Արմավիրի տարածաշրջանային պետական քոլեջի և Արարատի տարածաշրջանային պետական քոլեջի «Սառնարանային տնտեսություն» մասնագիտությամբ սովորող ուսանողներին ողջունեցին և իրենց ուղերձը հղեցին ՇՄՆ տեղակալ Գայանե Գաբրիելյանը, ՄԱԱԶԿ հայաստանյան ներկայացուցիչ Անահիտ Սիմոնյանը և ՄԱԿ-ի մշտական համակարգողի գրասենյակի ղեկավար Դնիս Սումփֆը:

Almost forty people listening to a speech.
Նկարագրություն՝ Մասնակիցներն ուշադրությամբ լսում են բանախոսներին։
Լուսանկարը՝ © National Ozone Unit of Armenia
Nine people listening to the speakers.
Նկարագրություն՝ Մասնակիցներն ուշադրությամբ լսում են բանախոսներին։
Լուսանկարը՝ © National Ozone Unit of Armenia

Հանդիպման խոսնակները ներկայացրին ՄԱԿ-ը որպես միջազգային համագործակցության, հավասարակշռման և խնդիրների լուծման ինստիտուտ, ՄԱԱԶԿ-ի հիմնադրման նպատակները և գործունեության ուղղությունները, կայուն զարգացման նպատակները և օզոնային շերտի պահպանությունը դրանց ենթատեքստում:

Հատուկ անդրադարձ կատարվեց երիտասարդների դերին՝ որպես սոցիումի շարժիչ ուժ` հորդորելով անմասն չմնալ կայուն զարգացման նպատակների իրագործմանն ուղղված միջազգային քայլերից։

The participants and the organizers of the round table-discussion.
Նկարագրություն՝ Կլոր սեղան-քննարկման մասնակիցներն ու կազմակերպիչները։
Լուսանկարը՝ © National Ozone Unit of Armenia

Ներկայացուցիչները հույս հայտնեցին, որ իրենց և ոլորտային գործընկերների մասնագիտական ուղղորդումներն ու տեխնիկական օժանդակությունները տալիս են ակնկալվող արդյունքները և կտան նաև ապագայում, ինչպես նաև մաղթեցին ապագա մասնագետներին սեփական ուժերի նկատմամբ հավատի և ստեղծագործական մտքի ավելացում, ինքնուրույնություն և պետական մտածողություն:

Հեղինակ՝

National Ozone Unit of Armenia

 
 
 

Այս նախաձեռնությանը մասնակցող ՄԱԿ-ի գործակալությունները

ՄՀԳ
Մշտական համակարգողի գրասենյակ
ՄԱԱԶԿ
ՄԱԿ-ի արդյունաբերական զարգացման կազմակերպություն

Նպատակները, որոնց մենք աջակցում ենք այս նախաձեռնությամբ