Պատմություն

ՄԱԲՀ-ն և Հայաստանի անվասայլակով բասկետբոլի ֆեդերացիան հիմնեցին Վանաձորում այդ սպորտաձևի առաջին թիմը

11 հոկտեմբերի 2021

Children and young people from "Motus Vita" wheelchair basketball perform a demonstration game. — Նկարագրություն՝ Անվասայլակով բասկետբոլի «Մոտուս Վիտա» թիմը՝ ցուցադրական խաղի ժամանակ։

Լուսանկարը՝ © UNFPA Armenia

ՄԱԿ-ի Բնակչության հիմնադրամն առաջին փուլում կհոգա մարզիչների, մարզիկների տեղափոխման, համազգեստի և անհրաժեշտ պարագաների հարցը։

2021 թ. հոկտեմբերի 4-ին, Հայաստանի անվասայլակով բասկետբոլի ֆեդերացիան և ՄԱԿ-ի Բնակչության հիմնադրամը Վանաձորում հաշմանդամություն ունեցող դեռահասների և երիտասարդների համար հիմք դրեցին անվասայլակով բասկետբոլի՝ քաղաքի առաջին թիմին։

1. Group photo of the participants of the launch event of the first wheelchair basketball team in Vanadzor, at the "Albert Azaryan Center" Sports School in Vanadzor. — Նկարագրություն՝ Վանաձորում անվասայլակով բասկետբոլի առաջին թիմի հիմնադրմանը նվիրված միջոցառման մասնակիցների խմբակային նկարը՝ Վանաձորի «Ալբերտ Ազարյանի անվան կենտրոն» համալիր մարզադպրոցում։

Լուսանկարը՝ © UNFPA Armenia

Այսուհետ տեղի հաշմանդամություն ունեցող դեռահասները և երիտասարդները Վանաձորի «Ալբերտ Ազարյանի անվան կենտրոն» համալիր մարզադպրոցում կարող են մասնակցել անվասայլակով բասկետբոլի մարզումներին:

Մեկնարկի միջոցառումը տեղի ունեցավ «Ալբերտ Ազարյանի անվան կենտրոն» համալիր մարզադպրոցում։ Ներկա էին տեղի հասարակական՝ այդ թվում հաշմանդամություն ունեցող անձանց խնդիրներով զբաղվող կազմակերպությունների, Վանաձորի քաղաքապետարանի և Լոռու մարզպետարանի ներկայացուցիչներ, մարզադպրոցի անձնակազմը և հետաքրքրված վանաձորցիներ։

Athletes of the first children and young people wheelchair basketball club in Armenia, "Motus Vita" start their demonstration game. — Նկարագրություն՝ Հայաստանում երեխաների և երիտասարդների անվասայլակով բասկետբոլի առաջին ակումբ «Մոտուս վիտան» սկսում է իր ցուցադրական խաղը։

Լուսանկարը՝ © UNFPA Armenia

Միջոցառմանը ցուցադրական խաղերով հանդես եկան Երևանից ժամանած անվասայլակով բասկետբոլի երկու թիմ՝ «Արտակարգ» թիմը և Հայաստանում անվասայլակով բասկետբոլի առաջին մանկապատանեկան ակումբը՝ «Մոտուս Վիտան», որի ստեղծմանը նույնպես աջակցել է ՄԱԿ-ի Բնակչության հիմնադրամը։

Athletes of the “Emergency” team of the Ministry of the Emergency Situations perform a demonstration game. — Նկարագրություն՝ Արտակարգ իրավիճակների նախարարության «Արտակարգ» թիմի մարզիկները՝ ցուցադրական խաղի ժամանակ։

Լուսանկարը՝ © UNFPA Armenia

Լավագույն մարզիկները ստացան խրախուսական մրցանակներ, իսկ նախաձեռնության աջակիցները՝ հուշանվերներ։

UNFPA Armenia Head of Office, Tsovinar Harutyunyan awards the participants with prizes and souvenirs from UNFPA Armenia. — Նկարագրություն՝ UՄԱԿ-ի Բնակչության հիմնադրամի հայաստանյան գրասենյակի ղեկավար Ծովինար Հարությունյանը մասնակիցներկն է հանձնում գրասենյակի կողմից պատրաստված մրցանակներն ու հուշանվերները։

Լուսանկարը՝ © UNFPA Armenia

Հայաստանում անվասայլակով բասկետբոլի առաջին թիմը ձևավորվել է 1990-ականների սկզբին, իսկ 2019 թվականին ստեղծվել է Հայաստանի անվասայլակով բասկետբոլի ֆեդերացիան:

President of the Wheelchair Basketball Federation of Armenia, Harutyun Yesayan gives inspirational speech to the young athletes before the game. — Նկարագրություն՝ Հայաստանի անվասայլակով բասկետբոլի ֆեդերացիայի տնօրեն Հարություն Եսայանը խաղից առաջ ոգևորում է երիտասարդ մարզիկներին։

Լուսանկարը՝ © UNFPA Armenia

«Խոշոր քաղաքներում բասկետբոլի թիմ ստեղծելու գաղափարը կյանքի ենք կոչել ՄԱԿ-ի Բնակչության հիմնադրամի հետ միասին», - ասում է Հայաստանի անվասայլակով բասկետբոլի ֆեդերացիայի տնօրեն Հարություն Եսայանը, որը նաև գոհ է Վանաձորի ընդունելությունից։ - «Ինչ դուռ թակել ենք, բացվել է», - ասում է նա։

UNFPA Armenia Head of Office, Tsovinar Harutyunyan commits to further supporting the initiative. — Նկարագրություն՝ ՄԱԿ-ի Բնակչության հիմնադրամի հայաստանյան գրասենյակի ղեկավար Ծովինար Հարությունյանը պատրաստակամություն է հայտնում հետագայում ևս աջակցել նախաձեռնությանը։

Լուսանկարը՝ © UNFPA Armenia

«Մենք ամեն ջանք գործադրելու ենք այս հիանալի նախաձեռնության հաջողության համար, և, նայելով ձեր պայծառ դեմքերին, վստահ եմ, որ հաջողության հասնելու ենք», - ասում է ՄԱԿ-ի Բնակչության հիմնադրամի հայաստանյան գրասենյակի ղեկավար Ծովինար Հարությունյանը։

ՄԱԿ-ի Բնակչության հիմնադրամն առաջին փուլում հոգում է մարզիչների, մարզիկների տեղափոխման, համազգեստի, անհրաժեշտ պարագաների հարցը։

Prizes and souvenirs from UNFPA Armenia. — Նկարագրություն՝ ՄԱԿ-ի Բնակչության հիմնադրամի կողմից պատրաստված մրցանակներն ու հուշանվերները։

Լուսանկարը՝ © UNFPA Armenia

Վանաձորի քաղաքապետարանը և Լոռու մարզպետարանը նույնպես հետաքրքրված են Վանաձորում անվասայլակով բասկետբոլի զարգացմամբ և աջակցելու պատրաստակամություն են հայտնել։

Հաջորդը Գյումրին է։