ՄԱԿ-ի մոդել համաժողով

ՀՀ արտաքին գործերի նախարարությունը և ՄԱԿ-ի հայաստանյան գրասենյակը կազմակերպում են ՄԱԿ-ի մոդել համաժողով՝ Հայաստանի Հանրապետության՝ ՄԱԿ-ին անդամակցության 32-րդ ամյակի և ՀՀ Դիվանագետի օրվա առթիվ 

Ո՞վ կարող է մասնակցել.

Բարձրագույն ուսումնական հաստատությունների բակալավրիատի 4-րդ կուրսի և մագիստրատուրայի ուսանողները:

Ե՞րբ.

Համաժողովը տեղի կունենա 2024թ. մարտի առաջին շաբաթվա ընթացքում:

Ի՞նչպես դիմել.

Անհրաժեշտ է մինչև 2024թ. հունվարի 29-ը modelun@mfa.am էլ. փոստի հասցեին ուղարկել ինքնակենսագրական (CV) և մոտիվացիոն նամակ` 100-150 բառի սահմանում:

Ընտրված մասնակիցներին հաջորդիվ կտրամադրվեն հավելյալ տեղեկություններ՝ նախապատրաստական դասընթացների և ՄԱԿ-ի մոդելի անցկացման վերաբերյալ:

Ինչու՞ պետք է դիմել.

Համաժողովը հնարավորություն կտա ծանոթանալ ՄԱԿ տարբեր մարմինների աշխատակարգերին, քննարկվող օրակարգերին և դրանց շուրջ երկրների դիրքորոշումներին, ձեռք բերել բազմակողմ ձևաչափով բանակցությունների հմտություններ:

Բարձր ակտիվություն ցուցաբերած ուսանողներին հնարավորություն կտրվի  փորձաշրջան անցնելու ՀՀ ԱԳ նախարարությում և ՄԱԿ հայաստանյան գրասենյակում: