ՄԱԿ-ի գլխավոր քարտուղարի ամանորյա տեսաուղերձը 2024թ.

2023 թվականը հսկայական տառապանքների, բռնությունների և կլիմայական քաոսի տարի էր:

Մարդկությունը ցավ է ապրում: 

Մեր մոլորակը վտանգի մեջ է:

2023 թվականը պատմության մեջ ամենաշոգ տարին էր: 

Մարդիկ տառապում են աճող աղքատության և սովի պատճառով:

Պատերազմներն ավելանում են քանակով և դաժանությամբ:

Միևնույն ժամանակ վստահությունը պակասում է:

Բայց փոխադարձ մեղադրանքներն ու զենքի սպառնալիքները ոչնչի չեն հանգեցնում։ 

Մարդկության ուժը միասնականության մեջ է:

2024 թվականը պետք է լինի վստահության և հույսի վերականգնման տարի: 

Պետք է համախմբվենք, որ հաղթահարենք տարաձայնությունները և գտնենք ընդհանուր լուծումներ։

Կլիմայական գործողությունների համար:

Տնտեսական հնարավորությունների և ավելի արդար գլոբալ ֆինանսական համակարգի համար, որը կգործի հանուն բոլորի բարօրության:

Միասին պետք է գործենք խտրականության և ատելության դեմ, որոնք ազդում են երկրների և համայնքների միջև հարաբերությունների վրա:

Եվ պետք է ապահովենք, որ նոր տեխնոլոգիաները, ինչպիսին  է օրինակ` արհեստական ​​բանականությունը, լավ նպատակի ծառայեն:

Միավորված ազգերի կազմակերպությունը կշարունակի համախմբել աշխարհը հանուն խաղաղության, կայուն զարգացման և մարդու իրավունքների:

Եկեք 2024 թվականը դարձնենք վստահության և հույսի տարի այն ամենի համար, ինչին կարող ենք հասնել միասին:

Նոր տարում բոլորիդ մաղթում եմ երջանկություն և խաղաղություն։