Մրցույթ

ՄԱԿ-ի Զարգացման Ծրագրի (ՄԱԶԾ) ImpactAim աքսելերատորը աջակցում է ՀՀ Աշխատանքի և սոցիալական հարցերի նախարարությանը (ԱՍՀՆ) մշակել Զբաղվածության նոր ռազմավարությունը: Ռազմավարության նախագիծը նպատակ ունի խթանել զբաղվածությունը՝ ստեղծելով մրցունակ աշխատուժ: Ռազմավարությունը սահմանել է երեք հիմնական թիրախային խմբեր, որոնք աջակցության կարիք ունեն աշխատաշուկայում ներգրավվելու համար՝

• Չսովորող, չաշխատող երիտասարդներ՝ շուրջ 88.600 անձ
• 30-40 տարեկան չաշխատող կանայք՝ շուրջ 59.600 անձ
• Ընտանեկան և սոցիալական նպաստ ստացող շահառուներ՝ շուրջ 42.400 անձ

ԵՄ-ի կողմից ֆինանսավորվող «Կառուցելով սոցիալական պաշտպանության դիմակայուն համակարգ» և ՄԱԶԾ-ի կողմից ֆինանսավորվող «ՄԱԶԾ-կառավարություն գործընկերության ծրագրի ընդլայնում (Հարթակ #5)» ծրագրերի շրջանակներում ՄԱԶԾ ImpactAIM աքսելերատորը հայտարարում է մրցույթ՝ համագործակցելու քաղաքացիական հասարակական կազմակերպությունների (ՔՀԿ) և մասնավոր ընկերությունների հետ։ Ընտրված կազմակերպությունները կստանան արդյունքների վրա հիմնված ֆինանսավորում՝ վերակրթման և աշխատանքի տեղավորման համար:

Թիրախային խումբ՝

Ծրագրի շահառու խմբերն են ստորև նշված անձինք՝ Հայաստանի բոլոր մարզերից և Երևանից՝

• 18-29 տարեկան երիտասարդներ (չաշխատող, չսովորող)՝ ովքեր չեն եղել գրանցված աշխատող վերջին 6 ամիսների ընթացքում և/կամ
• 30 և 40 տարեկան չաշխատող կանայք՝ ովքեր չեն եղել գրանցված աշխատող վերջին 6 ամիսների ընթացքում և/կամ
• Ընտանեկան և սոցիալական նպաստ ստացող շահառուներ
• Լեռնային Ղարաբաղից փախստականներ

Թիրախային մարզեր՝

• 1-ին խմբաքանակ՝ Սյունիք, Գեղարքունիք և Շիրակ[1]
• 2-րդ խմբաքանակ՝ մնացած բոլոր մարզերը և Երևանը[2]

Թիրախային մասնագիտություններ՝

Դիմորդ կազմակերպությունները կարող են առաջարկել վերապատրաստման և աշխատանքի տեղավորման ծրագրեր ISCO-08 շրջանակից ցանկացած մասնագիտության համար, որը համապատասխանում է հետևյալ չափանիշներին`

• Հիմնական խումբ՝ 1-9, բացառությամբ «Զինված ուժերի զբաղմունքների» հիմնական խմբի
• Հմտությունների մակարդակ՝ 1 և ավելի բարձր

[1] Ծրագիրը ներկայումս թիրախավորում է Սյունիքի, Գեղարքունիքի և Շիրակի մարզերը։

[2] Նախատեսվում է լրացուցիչ ֆինանսավորում՝ ՀՀ բոլոր մարզերը և Երևանը ներառելու համար, հետևաբար դիմորդ կազմակերպությունները կարող են առաջարկներ տրամադրել թիրախավորելով նաև 2-րդ խմբաքանակի մարզերին։ Այս մարզերի ներառումը կախված կլինի լրացուցիչ ֆինանսավորմամբ, որը կհաստատվի մինչև հայտերի ընդունման ավարտը: