Սննդամթերքի անվտանգության համաշխարհային օրվան նվիրված խորհրդաժողով
ՄԱԱԶԿ-ն՝ ՄԱԿ-ի մյուս գործընկեր գործակալությունների հետ միասին, հրավիրված էր մասնակցելու համաժաղովին։
ՀՀ սննդամթերքի անվտանգության տեսչական մարմինը, ՀՀ էկոնոմիկայի նախարարության համագործակցությամբ և «Շվեյցարիայի զարգացման և համագործակցության գործակալության» ֆինանսավորմամբ, «Ռազմավարական զարգացման գործակալություն» հասարակական կազմակերպության կողմից իրականացվող «Անասնապահության զարգացում Հայաստանի հարավում» ծրագրի աջակցությամբ, 2021թ.-ի հունիսի 7-ին կազմակերպեց Սննդամթերքի անվտանգության համաշխարհային օրվան նվիրված խորհրդաժողով:
Միջոցառմանը մասնակցում էին ՀՀ էկոնոմիկայի նախարարության, ՄԱԿ-ի պարենի և գյուղատնտեսության կազմակերպության, ՄԱԿ-ի արդյունաբերական զարգացման կազմակերպության, ՄԱԿ-ի պարենի համաշխարհային ծրագրի, Ռուսաստանի Դաշնության առևտրային պալատի, Հայաստանի Հանրապետության բարձրագույն կրթական, գիտական և լաբորատոր ոլորտների, հասարակական կազմակերպությունների և մասնավոր ոլորտների ներկայացուցիչները:
ՀՀ սննդամթերքի անվտանգության տեսչական մարմնի ղեկավար Գեորգի Ավետիսյանը՝ ողջունելով և շնորհավորելով մասնակիցներին, կարևորեց պարենային ապահովության խնդիրը, ինչպես նաև անվտանգ և առողջ սննդամթերք ընտրելու և օգտագործելու պրակտիկան, որն անհրաժեշտ է արմատավորել երեխաների մոտ՝ վաղ մանկությունից:
ՀՀ էկոնոմիկայի նախարարի տեղակալ Տիգրան Գաբրիելյանը նշեց, որ ՀՀ կառավարությունը սննդամթերքի անվտանգությունը համարում է առաջնահերթություն և մտադիր է ավելի ակտիվ քայլեր ձեռնարկել պարենային ապահովության, վերահսկող կառույցների ամրապնդման, մասնագետների հմտությունների զարգացման, սննդամթերքի շղթայի ռիսկերի գնահատման համար ինստիտուցիոնալ կառույցների հզորույթուններն ավելացնելու ուղղությամբ:
ՄԱԱԶԿ-ն՝ ՄԱԿ-ի մյուս գործընկեր գործակալությունների հետ միասին, հրավիրված էր մասնակցելու համաժաղովին՝ ՄԱԱԶԿ-ի դերը սննդի անվտանգության ոլորտում ձեռնարկվող միջոցառումներում ներկայացնելու համար:
ՄԱԱԶԿ-ի հայաստանյան գրասենյակի ղեկավար տիկ. Անահիտ Սիմոնյանը ներկայցրեց սննդի անվտանգության ոլորտում ՄԱԱԶԿ-ի մոտեցումները և նախաձեռնությունները, որոնք սահմանված են ՄԱԱԶԿ-ի և «Սննդամթերքի անվտանգության գլոբալ նախաձեռնություն» ռազմավարական գործընկերության (GFSI) շրջանակում:
Նա նաև ընդգծեց 2021թ.-ի սեպտեմբերին կայանալիք Սննդի համակարգերի գագաթնաժողովին անդամ-պետությունների նախապատրաստական աշխատանքների կարևորությունը և ՄԱԱԶԿ-ի դերը անդամ-պետություններին 5 գործողությունների ուղղությամբ տեխնիկական օգնություն տրամադրելու գործում:
Մասնակիցները քննարկեցին նաև ագրոարդյունաբերական ընկերություններում ՎՎՀԿԿ (HACCP)-ի ներդրման և մարդկային ռեսուրսների տեխնիկական ու մասնագիտական զարգացման խնդիրները:
Հեղինակ՝
Այս նախաձեռնությանը մասնակցող ՄԱԿ-ի գործակալությունները
Նպատակները, որոնց մենք աջակցում ենք այս նախաձեռնությամբ
