«Աջակցություն որակի ենթակառուցվածքին Հայաստանում» ծրագրի տեղեկագիր. սեպտեմբեր 2025

Եվրոպական միության ֆինանսավորմամբ իրականացվող «Աջակցություն որակի ենթակառուցվածքին Հայաստանում» ծրագրով ՄԱԱԶԿ-ը սեպտեմբերին շարունակեց աջակցությունը ԱՐՄՍՏԱՆԴԱՐՏ-ին (Ստանդարտների և չափագիտության ազգային մարմին ՓԲԸ)՝ ուժեղացնելով կարողությունները, խթանելով օրենսդրական բարեփոխումները և ընդլայնելով միջազգային համագործակցությունը։ Այս քայլերը կարևոր նշանակություն ունեն Հայաստանի չափագիտական համակարգի զարգացման և  եվրոպական չափանիշներին համապատասխանեցնելու գործում։

Հայաստանի որակի ենթակառուցվածքի զարգացման ուղղությամբ ձեռնարկված քայլերը ներառում են լաբորատորիաների հագեցում ժամանակակից սարքավորումներով, մասնագետների վերապատրաստում ԵՄ իրավական չափագիտության կանոնակարգերի թեմայով, գործարանային աուդիտների իրականացում ու փորձի փոխանակում եվրոպական գործընկերների հետ։