Բիզնես դրամաշնորհներ

Ընդհանուր տեղեկություն

Միգրացիայի միջազգային կազմակերպությունը (ՄՄԿ) իրականացնում է «Խոցելի համայնքներում կենսապահովման և տնտեսական կենսունակության խթանում» ծրագիրը, որը ֆինանսավորվում է Կորեայի միջազգային համագործակցության գործակալության (ԿՄՀԳ) կողմից։ Ծրագրի շրջանակներում  հայտարարվում է հայտերի ընդունում՝ Ձեռնարկությունների զարգացման հիմնադրամի (EDF) համար՝ աջակցելու  փոքր և միջին ձեռնարկությունների (ՓՄՁ) տնտեսական վերականգնմանը Հայաստանում։ Նախատեսում է տրամադրել բիզնես-դրամաշնորհներ՝ մինչև 5 միլիոն դրամ  արժողությամբ։ Այն կտրամադրվի ըստ կարիքների գնահատման՝  աշխատատեղերի ստեղծման հնարավորության և բիզնես պլանի։ Դրամաշնորհները կարող են օգտագործվել սարքավորումների, գործիքների, նյութերի, նոր արտադրական ուղղությունների, վերապատրաստման, աշխատավարձերի և այլ ֆիքսված ծախսերի համար։ Հայտերը մանրամասն կդիտարկվեն կոմիտեի կողմից։  Հաջորդ փուլ անցած դիմորդները մեկ ամսվա ընթացքում կտեղեկացվեն, որպեսզի  ներկայացնեն համապարփակ բիզնես հայտ։ Դիմորդները պետք է տրամադրեն դիմում-հայտում պահանջվող տեղեկատվությունը և բավարարեն ստորև նշված նվազագույն համապատասխանության չափանիշներին, այլապես նրանց դիմումը չի դիտարկվի։

Ու՞մ համար է նախատեսված

Դիմել կարող են միայն այն ՓՄՁ-ները, որոնք

• Գրանցված են և գործում են հետևյալ համայնքներից մեկում.
  • Տավուշի մարզ՝ Իջևան, Նոյեմբերյան
  • Լոռու մարզ՝ Ստեփանավան, Ալավերդի
  • Շիրակի մարզ՝ Արթիկ, Ախուրյան, Ամասիա
  • Գեղարքունիքի մարզ՝ Մարտունի, Վարդենիս, Ճամբարակ
• Նախատեսում են ընդլայնել իրենց բիզնեսը և երկարաժամկետ մնալ նշված համայնքներից մեկում, ինչպես նաև ստեղծել աշխատատեղեր համայնքի համար՝ ներառելով խոցելի խմբերի․ փախստականների, հաշմանդամություն ունեցող անձանց, կանանց։
• Ունեն առնվազն 2 գրանցված աշխատող և նախատեսում են ավելացնել աշխատողների թիվը։
• Գործունեություն են ծավալում հետևյալ ոլորտներում՝ ծառայություն, արտադրություն և վերամշակում, առևտուր, գյուղատնտեսություն,  շինարարություն։
• Պատրաստ են ներդնում կատարել 20-50 տոկոս չափով (կարող է լինել և՛ բնաիրային, և՛ դրամական)։

Ընտրության չափանիշներ

Նախապատվությունը կտրվի այն ՓՄՁ-ներին, որոնք հետևյալ բաղադրիչներին առավելագույնս կհամապատասխանեն․

1. Առկա ռեսուրսներ/նախապայմաններ բիզնես նախագծի իրականացման համար;
2. Ստեղծվող աշխատատեղերի քանակ;
3. Դիմորդի որակավորումներ (աշխատանքային փորձ և հմտություններ)
4. Տնտեսական օգուտ տեղական համայնքի համար;
5. Կայունություն և շուկայի կենսունակություն;
6. Ռիսկեր;
7. Սոցիալական ազդեցություն՝ ներառյալ շրջակա միջավայրի վրա, խոցելի խմբերի ներգրավումը՝ ներառյալ փախստականներին, կանանց և հաշմանդամություն ունեցող անձանց:

Տե՛ս գնահատման ուղեցույցը Հավելված 1-ում: 

Ձեռնարկությունների զարգացման հիմնադրամը  (EDF) կիրականացնի դիմորդների ընտրության փուլային  գործընթաց՝ կդիտարկվի   դիմորդի կողմից լրիվ դրույքով աշխատատեղերի ստեղծման ներուժը, ինչպես նաև բիզնեսի կայունությունը: Առաջին փուլում դիմորդները կլրացնեն և կներկայացնեն դիմում-հայտը: Հաջորդ փուլ անցած թեկնածուները կհրավիրվեն մշակելու ամբողջական բիզնես պլան դիմումի ձևով: Խորհուրդը կընտրի հաջողակ ՓՄՁ-ներին՝ այն չափանիշների հիման վրա, որոնք կիրառվել են բոլոր դիմում–հայտերի համար։ 

Ծրագրին դիմելու համար անհրաժեշտ է կատարել հետևյալ քայլերը․

Դիմում-հայտ 

• Լրացրե՛ք դիմում-հայտը՝ տրամադրելով բիզնեսի մասին անհրաժեշտ տեղեկատվությունը և նշելով պահանջվող գումարի չափը։
• Հայտի համար անցե՛ք այս հղումով՝ https://ee.kobo.iom.int/x/76Hfce2g
• Հարցերի դեպքում կարող եք զանգահարել երկուշաբթիից ուրբաթ ժամը 10։00-16։00 հետևյալ հեռախոսահամարով՝ 043 150024։
   

Դիմորդները պետք է դիմում-հայտի ներկայացման պահին հայտարարագրեն անձնական և բիզնես պարտքերը։

Ամբողջական դիմում 

Ընտրվելուց հետո մասնակիցները պետք է լրացնեն ամբողջական դիմումը, որը ներառում է հետևյալ տեղեկատվությունը․

Անհրաժեշտ է ներկայացնել՝

• Համասեփականատերերի ամբողջական ցանկը և կոնտակտային տվյալները,
• Բաժնետերերի ամբողջական ցանկը և յուրաքանչյուրի բաժնեմասի չափը,
• Համաներդրման ֆինանսական հիմնավորման պատճենը,
• Աշխատավարձերի վերաբերյալ   երաշխիքը,
• Մատակարարի վկայականը կամ համարժեք փաստաթուղթը 

Ցանկալի է ներկայացնել՝

• Գրանցման ապացույցը,
• ՀՎՀՀ և տեղեկանք հարկային հաշիվների վերաբերյալ,
• Վերջին աուդիտն անցած  ֆինանսական հաշվետվությունները,
• Ընկերության հանրային ծառայության համարանիշը,
• Հանրային ծառայության և անձնական եկամտահարկի վճարման ապացույցը, ներառյալ աշխատակիցների ցանկը և նրանց աշխատավարձերը՝ պետական հարկերի հետ միասին։ 

Մինչև 2 միլիոն դրամ դրամաշնորհների համար պետք է նաև ներկայացնել՝ 

• 2-3 էջ բիզնես պլան՝ ներառյալ նպատակները, մարկետինգային ուղիները և մրցակցությունը, ինչպես նաև աջակցության օգտագործման նպատակները։

2-ից 5 միլիոն դրամ դրամաշնորհների համար պետք է ներկայացնել նաև՝

• Բիզնես պլան, ներառյալ մարկետինգային ռազմավարությունը, մրցակցությունը և ֆինանսական պլանը առաջիկա 3 տարիների համար,
• Ռիսկերի կառավարման պլանը։

Պահանջվող գումարը պետք է հիմնավորվի հստակ հաշվարկներով և նպատակներով:

Դիմումներում և բիզնես պլաններում տրամադրված տեղեկատվությունը հաստատելու համար ՄՄԿ–ի աշխատակիցները կայցելեն բոլոր այն դիմորդներին, ովքեր հրավիրվել են երկրորդ փուլ՝  ներկայացնելու ամբողջական դիմումները: ՄՄԿ-ի աշխատակիցները և ՓՄՁ-ները կհանդիպեն քննարկելու բիզնեսի զարգացմանն ուղղված աջակցության տեսակները՝ հիմնված հարցաշարերի, այցելությունների, հարցազրույցների և դիմորդի նախընտրությունների վրա:

Ի՞նչպես դիմել

1. Կարդացե՛ք հայտարարության ամբողջական տեքստը։
2. Բացե՛ք առցանց հղումը, լրացրե՛ք դիմումն ամբողջությամբ ու դիմե՛ք մինչև հունիսի 8-ը, 2025 թ․:
3. Արդյունքները կստանաք դիմումի ընդունման վերջնաժամկետից հետո 15 աշխատանքային օրվա ընթացքում։
4. Հաջորդ փուլ անցնելու դեպքում ձեզ կտեղեկացվի հետագա ամբողջական դիմումը լրացնելու մասին:
5. Տեղեկացվելուց հետո կունենաք 30 օր ամբողջական հայտը լրացնելու համար: Ժամկետները չպահպանելու դեպքում դիմորդները կբացառվեն ընտրության հետագա գործընթացից:
6. ՄՄԿ-ի աշխատակիցները կայցելեն ընտրված դիմորդներին, հարցազրույցներ կիրականացնեն, ինչպես նաև կտրամադրվեն ընտրության գործընթացի վերաբերյալ անհրաժեշտ տեղեկատվությունը

Հարցերի դեպքում կարող եք զանգահարել երկուշաբթիից ուրբաթ ժամը 10։00-16։00 հետևյալ հեռախոսահամարով՝ 043 150024։

Բողոքների դեպքում խնդրում ենք դիմել այս հղումով՝ https://forms.cloud.microsoft/e/GPWgMzqMdT