Հայաստանում տեղի է ունեցել Միգրացիայի կառավարման ցուցիչների վերաբերյալ բազմաշահառու աշխատաժողով

Հուլիսի 23-ին Միգրացիայի միջազգային կազմակերպության (ՄՄԿ) հայաստանյան գրասենյակը կազմակերպել էր Միգրացիայի կառավարման ցուցիչների (ՄԿՑ) բազմաշահառու աշխատաժողովը: ՄԿՑ-ն ներառում է մոտ 90 ցուցիչներից բաղկացած ստանդարտ հավաքածու, որը մշակվել է ՄՄԿ-ի կողմից Economist Intelligence Unit-ի հետ համատեղ: Այն նպատակ ունի գործնական պատկերացում տալ երկրների լավ կառավարվող միգրացիոն քաղաքականության վերաբերյալ: Այս տարի, ի պատասխան Հայաստանի կառավարության խնդրանքի, Հայաստանը ակտիվորեն ստանձնել է ՄԿՑ-ի գնահատումը` վերահաստատելով իր հանձնառությունը արդյունավետ միգրացիոն կառավարման խթանմանը:

Աշխատաժողովին ներկա էին տարբեր ոլորտների պաշտոնյաներ, այդ թվում՝ պետական կառույցների, հասարակական կազմակերպությունների և միջազգային կազմակերպությունների ներկայացուցիչներ: Միջոցառումը սկսվեց ՀՀ Ներքին գործերի նախարարի տեղակալ Արփինե Սարգսյանի և ՄԱԿ-ի մշտական համակարգողի պաշտոնակատար Նիլս Սքոթի բացման խոսքերով։

Աշխատաժողովի ընթացքում մասնակիցներին ներկայացվեցին ՄԿՑ-ների համապարփակ պատկերացումներ, ինչպես նաև մի շարք երկրներում դրանց իրականացման առաջընթացի ուսումնասիրությունը: Բացի այդ, ընդգծվեց ՄԿՑ-ների դերն ու նշանակությունը Միգրացիայի մասին Գլոբալ Դաշնագրի իրականացման մեջ: Ավելին, աշխատաժողովում ներկայացվեց ՄԿՑ Հայաստանի պրոֆիլի զեկույցը:

Աշխատաժողովի անբաժանելի մասը ներառում էր մասնակիցներից արժեքավոր արձագանքները, մեկնաբանություններն ու առաջարկությունները ՄԿՑ-ների գնահատման հաշվետվության վերաբերյալ: Մասնակիցների այս ներդրումները միանշանակ կներառվեն վերջնական զեկույցում, որը հետագայում կտարածվի երկրի համապատասխան շահագրգիռ կողմերի հետ:

ՄԿՑ-ների գնահատման հաջող իրականացումն ընդգծում է Հայաստանի նվիրվածությունը լավ կառավարվող միգրացիոն քաղաքականության առաջխաղացմանը: Այս նախաձեռնության մեջ ներգրավված բոլոր շահագրգիռ կողմերի համատեղ ջանքերը, անկասկած, կնպաստեն Հայաստանում միգրացիայի պատասխանատու և արդյունավետ կառավարման խթանմանը: