Լեռնային Ղարաբաղից բռնի տեղահանվածների շրջանում աշխատուժի գնահատում

Հայաստանի Հանրապետության Ներքին գործերի նախարարության Միգրացիայի և քաղաքացիության ծառայության տվյալներով՝ 2023 թվականի սեպտեմբերից Լեռնային Ղարաբաղում լարվածության սրման հետևանքով Հայաստան է ժամանել ավելի քան 115,000 փախստական:

Փախստականների մեծ և արագ ներհոսքը, որն ընդամենը մի քանի շաբաթվա ընթացքում հանգեցրեց Հայաստանի բնակչության թվի մոտավորապես 3-4 տոկոս աճի, պահանջում է ինտեգրման և ներառման  հզոր ռազմավարություն: Հետևաբար, կառավարությունը մշակել է ծրագրեր՝ ստեղծելու նոր աշխատատեղեր և վերապատրաստելու փախստականներին՝ նրանց երկարատև տեղահանումը կանխելու նպատակով: 

Փախստականների տնտեսական ինտեգրումը դյուրին դարձնելու նպատակով՝ Աշխատանքի և սոցիալական հարցերի նախարարության և Միգրացիայի միջազգային կազմակերպության (ՄՄԿ) միջև խորհրդակցությունների արդյունքում մշակվել է Լեռնային Ղարաբաղից փախստականների մասնագիտական և կրթական բնութագրերի գնահատում:

Սույն զեկույցում ներկայացված են գնահատման արդյունքները՝ աշխատաշուկայում փախստականների ինտեգրմանն ուղղված քաղաքականության և միջոցառումների մշակմանն աջակցելու նպատակով: