ՄԱԱԶԿ-ը կազմակերպեց ԱՐՄՍՏԱՆԴԱՐՏ-ի փորձագետների ուսումնական այցը Չեխիայի Հանրապետություն

Այցի ընթացքում հայաստանյան փորձագետները ծանոթացան Չեխիայի չափագիտության ինստիտուտի լաբորատորիաների կառավարման, տրամաչափարկման ու հաստատման ընթացակարգերի լավագույն փորձին, ինչպես նաև ԵՄ և միջազգային չափանիշներին համապատասխանող որակի կառավարման համակարգերի ուղղություններին։ Հատուկ ուշադրություն է դարձվել վառելիքաբաշխիչ աշտարակների տեխնիկական կանոնակարգերի վերաբերյալ տեսական և գործնական դասընթացին, որոնց հիմքում էին MID կանոնակարգի B մոդուլն ու OIML R117 պահանջները։ ԱՄՍՏԱՆԴԱՐՏ–ի մասնագետներն այցելեցին Չեխիայի չափագիտության ինստիտուտի՝ նորագույն սարքավորումներով հագեցած երկարության, ուժի մոմենտի և ճնշման լաբորատորիաները՝ պրակտիկայում կիրառելու ստացված գիտելիքները։  պարապունքներ։

Չեխ գործընկերների հետ փորձի փոխանակման միջոցով ԱՐՄՍՏԱՆԴԱՐՏ-ի մասնագետները խորացրեցին տեխնիկական գիտելիքները և ծանոթացան հավատարմագրման գործընթացներին։ Անդրադարձ կատարվեց ԱՐՄՍՏԱՆԴԱՐՏ-ի՝ միջազգայնորեն ճանաչված ծառայությունների ընդլայնման հարցերի։

Այս քայլը կարևոր ներդրում է Հայաստանի չափագիտական համակարգի զարգացման և այն եվրոպական չափանիշներին համապատասխանեցնելու գործում՝ բարձրացնելով հայաստանյան արտադրանքի ու ծառայությունների մրցունակությունը։

«Աջակցություն որակի ենթակառուցվածքին Հայաստանում» ծրագիրն իրականացնում է ՄԱԱԶԿ-ը՝ Եվրոպական միության ֆինանսավորմամբ։ Ծրագրի հիմնական նպատակն է զարգացնել ԱՐՄՍՏԱՆԴԱՐՏ-ի կարողությունները՝ շահառուներին միջազգայնորեն ընդունելի չափագիտական ծառայություններ մատուցելու համար։ Հայաստանի չափագիտության համակարգի իրավական, կառուցվածքային և տեխնիկական կարգավորումների բարելավման միջոցով ծրագիրը նպաստում է համակարգի արդիականացմանը՝ խթանելով տնտեսության դիվերսիֆիկացիան և առևտրի մրցունակության բարձրացումը, ինչը համահունչ է ԵՄ-ի հետ ստորագրված «Համապարփակ և ընդլայնված գործընկերության համաձայնագրով» (CEPA) Հայաստանի ստանձնած հանձնառություններին։

Լրացուցիչ տեղեկությունների համար խնդրում ենք դիմել` 
Ծրագրի ղեկավար Ցոնգ Վուին` C.WU@unido.org 
Ծրագրի համակարգող Հայաստանում Մանե Թափալցյանին`  m.tapaltsyan@unido.org