Պատմություն

Երիտասարդական կլոր սեղան ՄԱԿ-ի գրասենյակում

01 հոկտեմբերի 2025

Նկարագրություն՝ Youth Lead Discussion at UN House

Լուսանկարը՝ © UNFPA

ՄԱԿ-ի հայաստանյան գրասենյակում hյուրընկալեցինք Երևանից և Հայաստանի տարբեր մարզերից 25 երիտասարդի՝ մասնակցելու կլոր սեղան-քննարկմանը։

Երիտասարդները քննարկման թեմաները քվեարկությամբ ընտրեցին և առաջարկեցին Երիտասարդության համար գործողությունների համաշխարհային ծրագրի առաջնահերթությունների ցանկից։

Քննարկումը վարում էին երիտասարդները, իսկ նրանց լսելու, արձագանքելու և նրանց հարցերին պատասխանելու էին եկել ՄԱԿ-ի մշտական համակարգող Ֆրանսուազ Ժակոբը, ինչպես նաև ՄԱԿ-ի տարբեր գործակալությունների ղեկավարները։

Lively discussions on the issues the youth put forward — Նկարագրություն՝ Ակտիվ քննարկումներ երիտասարդների կողմից բարձրացված հարցերի շուրջ

Լուսանկարը՝ © UNFPA

Նախաձեռնությունն իրականացվեց Հայաստանի երիտասարդական կազմակերպությունների միության աջակցությամբ #YouthLead համաշխարհային փառատոնի շրջանակում, որը նվիրված էր Երիտասարդության համար գործողությունների համաշխարհային ծրագրի 30-ամյակին։