ՄԱԱԶԿ-ն կազմակերպեց վառելիքաբաշխիչ աշտարակների տրամաչափարկման և Չափող սարքերի հրահանքի կիրակման վերաբերյալ գործնական դասընթաց ԱՐՄՍՏԱՆԴԱՐՏ-ի և ՇՎՏՄ աշխատակիցների համար

Դասընթացին ներկայացվեցին MID կանոնակարգով սահմանված  վառելիքաբաշխիչ աշտարակների տեխնիկական և չափագիտական պահանջները, համապատասխանության գնահատման ընթացակարգերը՝ հատուկ շեշտադրում կատարելով B, D, F և G մոդուլների, ինչպես նաև OIML R117 փաստաթղթի կիրառման վրա։

Չեխիայի չափագիտության ինստիտուտի (CMI) փորձագետների անցկացված դասընթացը  ներառում էր տեսական և գործնական հատվածներ։ Անդրադարձ կատարվեց EC-տեսակի փորձաքննության ընթացակարգերին, նախնական ստուգման, ինչպես նաև հետագայում ազգային օրենսդրության հիման վրա հաստատման կարգին, անվտանգության հրահանգներին առնչվող ընթացակարգերին և այլ թեմաների։ Դասընթացի նպատակն էր մասնակիցներին տրամադրել անհրաժեշտ գիտելիքներ և գործիքակազմ՝ MID կանոնակարգի (մասնավորապես, վառելիքաբաշխիչ աշտարակների վերաբերյալ համապատասխան MI-005 հավելվածը) կիրառելու համար, ինչպես նաև  նպաստել համապատասխանեցմանը եվրոպական  օրենսդրությանը: 

«Աջակցություն որակի ենթակառուցվածքին Հայաստանում» ծրագիրն իրականացնում է ՄԱԱԶԿ-ը՝ Եվրոպական միության ֆինանսավորմամբ։ Ծրագրի հիմնական նպատակն է զարգացնել ԱՐՄՍՏԱՆԴԱՐՏ-ի կարողությունները՝ շահառուներին միջազգայնորեն ընդունելի չափագիտական ծառայություններ մատուցելու համար։ Հայաստանի չափագիտության համակարգի իրավական, կառուցվածքային և տեխնիկական կարգավորումների բարելավման միջոցով ծրագիրը նպաստում է համակարգի արդիականացմանը՝ խթանելով տնտեսության դիվերսիֆիկացիան և առևտրի մրցունակության բարձրացումը, ինչը համահունչ է ԵՄ-ի հետ ստորագրված «Համապարփակ և ընդլայնված գործընկերության համաձայնագրով» (CEPA) Հայաստանի ստանձնած հանձնառություններին։

________________________________________

Լրացուցիչ տեղեկությունների համար խնդրում ենք դիմել` 

Ծրագրի ղեկավար Ցոնգ Վուին` C.WU@unido.org

Ծրագրի համակարգող Հայաստանում Մանե Թափալցյանին`  m.tapaltsyan@unido.org