ՄԱԿ-ի Գլխավոր քարտուղարի ուղերձը Վայրի բնության համաշխարհային օրվա առթիվ
ՄԱԿ-ի Գլխավոր քարտուղարի ուղերձը Վայրի բնության համաշխարհային օրվա առթիվ
Ամեն տարի, Վայրի բնության համաշխարհային օրը, մենք նշում ենք մեր մոլորակի վայրի բույսերի և կենդանիների գեղեցկությունն ու սքանչելիությունը:
Ինչու՞ ենք մենք հոգ տանում վայրի բնության մասին: Երկիր մոլորակը պահպանելու բարոյական պարտականությունից բացի, մարդկությունը կախված է բնության կողմից տրամադրվող հիմնական ապրանքներից և ծառայություններից՝ սննդից և քաղցրահամ ջրից մինչև աղտոտվածության վերահսկում և ածխածնի պահեստավորում: Վնասելով բնությանը՝ սպառնում ենք մեր իսկ բարեկեցությանը:
Այսօր ամբողջ աշխարհում վայրի բնությունը վտանգի տակ է: Տեսակների մեկ քառորդը կանգնած է անհետացման վտանգի առաջ, հիմնականում այն պատճառով, որ ոչնչացրել ենք էկոհամակարգերի գրեթե կեսը, որտեղ նրանք ապրում են: Պետք է գործենք հիմա՝ այս միտումը վերանայելու համար:
Վայրի բնության համաշխարհային օրն այս տարի ընդգծում է ՄԱԿ-ի՝ էկոհամակարգերի վերականգնման տասնամյակի կարևորությունը (2021-2030 թթ․): Էկոհամակարգերը առողջ են միայն այն ժամանակ, երբ դրանց բաղադրիչները ծաղկում են: Եթե անհետանա գեթ մեկ առանցքային տեսակ, մի ամբողջ էկոհամակարգ կարող է սկսել անկում ապրել և վերանալ։ Ահա թե ինչու առանձին տեսակների պաշտպանությանն ուղղված գործողությունները պետք է ամբողջ էկոհամակարգերի վերականգնմանն ուղղված քայլերի հետ զուգահեռ արվեն:
Վայրի բնության համաշխարհային օրվա առթիվ եկեք պարտավորություն ստանձնենք պահպանելու մեր անգնահատելի և անփոխարինելի վայրի բնությունը՝ ի շահ ներկա և ապագա սերունդների:
Ելույթի հեղինակ՝
Նպատակները, որոնց մենք աջակցում ենք այս նախաձեռնությամբ
